धादिङ समाज दक्षिण कोरियाको अध्यक्षमा सन्तोष अधिकारी निर्वाचित

मनोज थापा
धादिङ,१३ असोज
धादिङ समाज दक्षिण कोरियाको अध्यक्षमा सन्तोष अधिकारी निर्वाचित हुनुभएको छ । दक्षिण कोरियामा आज सम्पन्न भएको भेलाले सन्तोष अधिकारीको अध्यक्षतामा नयाँ कार्यसमिति चयन गरेको हो । पुनःगठित समितिको बरिष्ठ उपाध्यक्षमा रामचन्द्र सिंखडा, उपाध्यक्षमा गायत्री थापा मगर,उपाध्यक्षमा सन्तमान घले, महासचिवमा रणबहादुर घले, सचिवमा विष्णु विक,सचिवमा दिपेन्द्र सिंखडा,कोषाध्यक्षमा कपिल भण्डारी र सहकोषाध्यक्षमा हरिशरण काप्री निर्वाचित हुनुभएको छ । यसैगरी सदस्यहरुम भिम तामाङ,अविन जंग थापा,सुनिल श्रेष्ठ र अमृत आलेमगर रहनुभएको कोरियाबाट निर्वाचन समितिका सदस्य मनोज थापाले जानकारी दिनुभएको छ। धादिङ जिल्लाबाट विभिन्न पेशा तथा व्यवसाय गर्ने धादिङका नागरिकहरुको साझा संस्थाको रुपमा रहेको संस्थाले विभिन्न सामाजिक काम गर्दै आईरहेको छ । जिल्ला सदरमुकाममा अपाङ्मैत्री शौचालय निमार्ण,निशुल्क स्वास्थ्य शिविर,चेपाङ समुदायलाई न्यानो कपडा वितरण,एम्बुलेन्स हस्तान्तरण गर्ने कार्य समेत धादिङ समाज दक्षिण कोरियाले गरिसकेको छ ।