धादिङ उद्योग वाणिज्य संघको ३० औँ वार्षिक साधारण सभा गल्छिमा सम्पन्न

धादिङ,७ असोज

धादिङ उद्योग वाणिज्य संघको ३० औँ वार्षिक साधारण सभा शनिवार गल्छि गाउँपालिका वडा नम्बर ८ स्थित छाँगेश्वर मन्दिर परिसरमा सम्पन्न भएको छ ।सँस्थाका अध्यक्ष विष्णु प्रसाद थपलियाको अध्यक्षतामा सम्पन्न भएको साधारण सभामा बागमती प्रदेश सरकारका साँसद मदुकुमार श्रेष्ठको प्रमुख आतित्थ्यता रहेको थियो ।

बार्षिक साधारणसभालाई सम्बोधन गर्नुहुै बागमती प्रदेश सरकारका साँसद श्रेष्ठले अहिले आर्थिक मन्दीको कारण व्यापार व्यवसाय ठप्प प्राय भएको भन्दै व्यापारीहरु समस्यामा परेको बताउनुभएको थियो । साधारण समामा संस्थाका महासचिव तिलक सिंखडाले वार्षिक प्रतिवेदन तथा प्रस्तावित कार्यक्रमहरु प्रस्तुत गर्नुभएको थियो ।

बार्षिक प्रगती प्रतिवेदन प्रस्तुत गर्नुहुदै सिंखडाले ३४६ जना नयाँ सदस्यता विस्तार भएकोमा अहिले सदस्य सँख्या २०३८ पुगेको पनि बताउनु भएको थियो । जिल्लाको विभिन्न स्थानमा कर भ्याट तथा लेखा व्यवस्थापन तालिम लगायत राहत तथा सहयोगको काम गरिएको पनि महासचिव सिंखडाको बताउनु भएको थियो ।कार्यक्रममा सँस्थाका कोषाध्यक्ष सुमन धरेलले आर्थिक वर्ष ०७९/८० को आर्थिक प्रतिवेदन प्रस्तुत गर्नुभएको थियो ।