शिवज्योति महिला बचत तथा ऋण सहकारी संस्थाको १७ औँ बार्षिक साधारण सभा सम्पन्न

धादिङ,६ असोज
शिवज्योती महिला बचत तथा ऋण सहकारी संस्थाको १७ औँ बार्षिक साधारण सभा शनिवार सम्पन्न भएको छ ।शिवज्योती महिला बचत तथा ऋण सहकारी संस्थाका अध्यक्ष चमेली बगाले काप्रीको अध्यक्षतामा सम्पन्न भएको साधारण सभामा जिल्ला सहकारी संघका अध्यक्ष रामचन्द्र आर्चायको प्रमुख आतिथ्यता रहेको थियो ।

साभारण सभामा धादिङ बचत तथा ऋण सहकारी संघका सन्चालक सदस्य तुलसी अधिकारी र नेफ्स्कुन फिल्ड कार्यालय धादिङका प्रमुख शम्भु प्रसाद घिमीरेको विशेष आतिथ्यता रहेको थियो ।भेलामा सचिव शशि अर्यालले संस्थाको प्रगती प्रतिवेदन र आर्थिक बर्ष २०८०÷०८१ को प्रस्तावित कार्यक्रम प्रस्तुत गर्नुभएको थियो भने कोषाध्यक्ष रीता पोखरेलले आर्थिक प्रतिवेदन प्रस्तुत गर्नुभएको थियो ।

महिलाहरुको आर्थिक अवस्थामा सुधार गर्ने,महिलाहरुलाई हौसला र उत्साह बढाउने उदेश्यले १५ जनाबाट सुरु गरीएको संस्थामा हाल १ हाजार ८ सय ८२ जना शेयर सदस्यहरु रहेका छन् । वि.स. २०६३ सालमा स्थापना गरीएको संस्थाले हालसम्म १२ करोड भन्दा बढीको कारोबार गर्न सफल भएको छ ।