एचआईभी एड्स र लैंगिक हिंसा सम्वन्धी अभिमुखिकरण कार्यक्रम थाक्रेमा सम्पन्न

धादिङ,५ असोज 

धादिङको थाक्रे गाउँपालिका वडा नम्बर २ सिम्ले स्थित क्लिफसाईड रिसोर्टमा एचआईभी एड्स र लैंगिक हिंसा सम्वन्धी अभिमुखिकरण कार्यक्रम सम्पन्न भएको छ । जेयान्सु सगुन जे भी निर्माण व्यवसायीको आयोजनामा एसएमइसी पिइसी को सुपरिभिजन सडक विभागको सहयोग र विश्व वैङ्कको आर्थिक तथा प्राविधिक सहयोगमा एक दिने अभिमुखिकरण कार्यक्रम सम्पन्न भएको हो ।

कार्यक्रममा एच आई भी एड्स के हो, यसवाट कसरी वच्ने, यसको रोकथाम तथा न्युनिकरणका उपायहरु सहित निर्माण क्षेत्रमा एच आई भी एड्सको जोखिम लगायत लैंगिक हिंसा, हिँसा कसरी भैरहेको छ निर्माण क्षेत्रमा हुने हिंसा, न्युनिकरणको उपायहरु जस्ता विविध पक्षको वारेमा जानकारी गराईएको थियो ।

कार्यक्रमको सहजिकरण सिड्स नेपालका कार्यकारी निर्देशक गोकर्ण रुपाखेतीले गर्नुभएको थियो । जेयान्सु सगुन जे भी निर्माण व्यवसायीेका सि आर डोरमणी पौडेलको अध्यक्षतामा कार्यक्रम सम्पन्न भएको हो। कार्यक्रममा नागढुंगा–नौविसे सडक खण्ड स्तरोन्नती सँग सम्वन्धित कार्यरत कर्मचारी, ईन्जिनियर, ओवरसीयर, सर्भेयर, सवारीचालक लगायतको सहभागिता रहेको थियो ।