संविधान दिवसको अवसरमा धादिङमा प्रभातफेरी

धादिङ,३ असोज
संविधान दिवस, २०८० आज देशभर विभिन्न कार्यक्रम गरी मनाईएको छ । दिवसको अवसरमा धादिङमा प्रभातफेरी सहित अन्तरक्रिया कार्यक्रम सम्पन्न भएको छ । धादिङबेशी पुच्छारबजारबाट प्रभातफेरी जिल्ला समन्वय समितीको सभाहलमा पुगी काईक्रममा परिणत भएको थियो ।जिल्ला समन्वय समिती धादिङको आयोजनामा सम्पन्न भएको कार्यक्रममा समन्वय उपप्रमुख,नगरपालिका तथा गाउँपालिकाका प्रमुख एवम प्रतिनिधि र सरोकारवाला निकायका प्रमुख एवंम प्रतिनिधिहरुको सहभागिता रहेको थियो ।

सङ्घीय लोकतान्त्रिक गणतन्त्र नेपालका प्रथम राष्ट्रपति रामवरण यादवले २०७२ असोज ३ गते ‘नेपालको संविधान २०७२’ जारी भएको घोषणा गर्नुभएको थियो । संविधान निर्माण भएर कार्यान्वयनमा आएको आठ वर्ष पूरा भएको छ । नयाँ संविधान लागू भएको घोषणासँगै नेपालको अन्तरिम संविधान २०६३ खारेज भएको थियो । ‘नेपालको संविधान, २०७२’ मा ३५ भाग तीन सय ८ धारा र ९ अनुसूची छन् ।