६ सय ५० ग्राम गाँजा सहित धुनिबेशीबाट २ जना पक्राउ

धादिङ,२७ भदौ।
धुनिबेशी नगरपालिका वडा नम्बर ८ खानिखोलास्थित त्रिभुवन राजपथबाट अवैध लागूऔषध गाँजासहित २ जना पक्राउ परेका छन्। पक्राउ पर्नेहरूमा काभ्रे रोशी गाउँपालिका–८ घर भई काठमाडौं चन्द्रागिरी नगरपालिका वडा नम्बर १४ थानकोट बस्ने २३ वर्षीय जीवन लामा र काठमाडौं महानगरपालिका वडा नम्बर १४ कलंकी बस्ने २२ वर्षीय कमल श्रेष्ठ रहेका छन् ।ईलाका प्रहरी कार्यालय खानिखोलाबाट खटिएको प्रहरीले बा.प्र.०२५ प ०५१२ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई करिब ६ सय ५० ग्राम गाँजासहित पक्राउ गरेको हो ।