गजुरीमा तीज विषेश कार्यक्रम हुने,राष्ट्रिय तथा स्थानीय कलाकारको प्रस्तुती रहने

धादिङ,२२ भदौ ।
हरितालिका तीजको अवसरमा गजुरीमा तीज विशेष कार्यक्रम हुने भएको छ । गजुरी गाउँपालिकाको आयोजनामा असोज १ गते तीज विशेष सांस्कृतिक कार्यक्रम हुने गाउँपालिकाले जनाएको छ।हिन्दु नेपाली नारीहरुको महान पर्व हरितालिका तीजको अवसरमा आर्दश माध्यामिक विद्यालयको प्राङ्गणमा कार्यक्रम गरिने भएको छ ।

कला संस्कृतिको जगेर्नाको निम्ति सांस्कृति कार्यक्रमको आयोजना गरीएको हो । कार्यक्रममा मुख्य कलाकारहरु गायिका मनमाया वाइबा, सुनिता बुढाक्षेत्री, प्रतिमा अर्याल, सुमित्रा तामाङ, गायक सागर वि.सी, विकास घिमिरे, हाँस्यकलाकार राजुमान रुम्बा, सुबोध गौतम, डान्सर विनि कोके गुरुङका साथमा स्थानीय कलाकारहरुको प्रस्तुति रहने गाउँपालिकाले जनाएको छ ।