धादिङमा कृषि उद्यममा उत्कृष्ट तीन कृषक सम्मानित, जनही ५० हजार रुपैयाँ पुरस्कार
सिद्धलेकमा गाउँपालिका स्तरीय वक्तृत्वकला प्रतियोगिता सम्पन्न
रास्वपा धादिङको प्रथम जिल्ला अधिवेशन सम्पन्न, सभापतीमा राजन अर्याल निर्वाचित
सुनगाभा एकेडेमीमा अभिभावक उत्प्रेरणा तथा मनोसामाजिक परामर्श कार्यक्रम
सिद्धलेकमा १२३ शिक्षक, २७ विद्यार्थी र ५० खेलाडी सम्मानित
धादिङको पुछार बजारमा दुई दिने रोग विशेष योग शिविर आयोजना हुने
धादिङ्ग,१९ भदौ
नेपाली कांग्रेस धादिङले स्व डा।राजाराम कार्कीको सम्झनामा श्रद्धाञ्जली सभा कार्यक्रम सम्पन्न गरेको छ । बागमती प्रदेश सभाका पूर्वसदस्य तथा नेपाली कांग्रेस धादिङका पूर्वसचिव,पुर्व केन्द्रिय सदस्य स्व.डा.कार्कीको निधनको १४ औं दिनको अवसर पारेर नेपाली कांग्रेस धादिङले श्रद्धाञ्जली सभा सम्पन्न गरेको हो । श्रद्धाञ्जली सभालाई सम्बोधन गर्नुहुदै नेपाल काँग्रेसका केन्द्रिय सदस्य तथा पुर्व मन्त्री दिलमान पाख्रीनले स्वर्गीय डा. राजाराम कार्कीको निधनले पार्टीलाई ठुलो क्षती पुगेको बताउनुभयो ।
नेपाली लोकतान्त्रीक आन्दोलनमा लामो समय क्रियाशील बन्नुभएका कार्की जिल्लाले चिनेको नाम भएको भन्दै उहाँले पार्टीलाई पुर्याउनु भएको योगदानलाई पार्टीले उच्च मुल्यांकन गर्ने बताउनुभयो ।
यसैगरी श्रद्धाञ्जली सभा कार्यक्रममा नेपाली कांग्रेस धादिङका सभापति तथा प्रतिनिधि सभा सदस्य रामनाथ अधिकारीले स्व डा.कार्कीले स्वास्थ्य र राजनैतिक क्षेत्रमा ठुलो योगदान दिएको बताउनु भएको छ । उहाँले स्व. डा.कार्कीले धादिङका नागरिकहरुलाई यो वा त्यो नभनिकन सबैलाई सक्दो सहयोग गर्नु भएको बताउनुभयो ।
स्व.डा. राजाराम कार्कीका सुपत्रहरुले बुबाको नाममा डा.राजाराम कार्की स्मिृति प्रतिस्ठान धादिङको स्थापना गर्ने निर्णय गर्नुभएको छ । स्वर्गीय डा.राजाराम कार्कीको क्यान्सरको कारण उपचारको क्रममा यहि भदौ ६ गते निधन भएको थियो ।
