पहिरोबाट बच्ने उपायबारे नीलकण्ठ–४ खर्कमा नमुना अभ्यास(फोटो फिचर)

धादिङ,१९ भदौ ।
पहिरोबाट बच्ने उपायबारे नमुना अभ्यास प्रदर्शनी (सिम्युलेसन) गरिएको छ। नीलकण्ठ नगरपालिका वडा नम्बर ४ को खर्कको गाउँमा कृत्रिम पहिरो बनाई अभ्यास प्रदर्शन गरिएको हो। पहिरोको जोखिममा रहेको उक्त गाउँमा सम्भावित पहिरोबाट बच्ने उपायबारे जनचेतना जगाउने उद्देश्यले नीलकण्ठ नगरपालिकाको आयोजनामा युएसएआईडी तयार नेपाल र फिड प्रा.लि.को सहयोगमा पहिरो अभ्यास प्रदर्शनी गरिएको हो।

प्रदर्शनीको क्रममा नीलकण्ठ नगरपापलिका वडा नम्बर ४ को खर्क गाउँमा पहीरो गएको,पहिरोमा परी ६ जना घाईते भएका,घाईतेहरुलाई स्टेचर बनाएर प्राथमिक उपचार पश्चात थप उपचारार्थ अस्पताल लगिएको नाटक गरिएको थियो। पहिरोले घाइते भएकाहरूलाई प्राथमिक उपचार प्रशिक्षक तथा नेपाल रेडक्रस सोसाईटी धादिङ शाखाका कोषाध्यक्ष र स्वास्थ्यकर्मी तथा धादिङ भोलियन्टरका अध्यक्ष भेषराज ठकुरीको नेतृत्वको टोलीले घटनास्थलबाट उद्धार गरी अस्पताल भर्ना गरेको तथा बेपत्ताको खोजी गरेको देखाइएको थियो।

वर्षाको समयमा पहाडी भेगमा पहिरो जाने अत्यधिक सम्भावना भएकाले त्यसबाट बच्न र पूर्वतयारी गर्ने उद्देश्यले सिमुलेसन आयोजना गरीएको नीलकण्ठ नगरपालिकाका शांखा अधिकृत तथा विपद संयोजक विनोद अर्यालले जानकारी दिनुभयो।नीलकण्ठ नगरपालिका वडा नम्बर ४ का वडा अध्यक्ष हरि बहादुर श्रेष्ठको अध्यक्षतामा सम्पन्न भएको अभ्यास कार्यक्रममा नगर उप–प्रमुख दिपक विश्वकर्माको प्रमुख आतिथ्य तथा प्रमुख प्रशासकिय अधिकृत पुरुषोत्तम सुवेदीको विषेश आतिथ्यता रहेको थियो।

कार्यक्रममा जिल्ला प्रहरी कार्यालय धादिङका डि.एस.पि सन्तुलाल जैसवार, शसस्त्र प्रहरी बल धादिङबेसीका प्रमुख राजकुमार कडेंल, नेपाल रेडक्रस सोसाईटी धादिङका कोषाध्यक्ष नारायण कुमार श्रेष्ठ,विपद् तथा वातावरण संयोजक राम्री नेपाली, एक्सन नेपालका अध्यक्ष कमलराज ढुंगाना,तयार नेपालको फिल्ड संयोजक सुधा रिमाल धादिङ सोसियल भोलिन्टियरका अध्यक्ष भेषराज ठकुरी लगायतको आतिथ्य रहेको थियो। पहिरो पुर्वसुचना प्रणाली सम्बन्धी कृत्रिम घटना अभ्यास को  डा.श्रीजन मल्ल, पुर्व सहायक रथी नरेश सुब्बा, डा.संजय देवकोटा, डा. गोविन्द आचार्य र सुरज गौतमले सहजीकरण गर्नुभएको थियो ।

कृत्रिम घटना अभ्यास कार्यक्रममा पहिरो जादा कसरी जोगीने, उद्धार, खोज तथा प्राथमिक उपचार र आपतकालिन स्वास्थ्य सम्बन्धी ज्ञान प्रदान गर्नका लागि कृत्रिम पुर्व अभ्यास गराइएको हो । नीलकण्ठ नगरपालिकाले विपद व्यवस्थापनको क्षेत्रमा काम गर्दै आइरहेको र आगामि वर्षहरुमा पनि यस कार्यलाई निरन्तरता दिने नगर उपप्रमुख दिपक विश्वकर्माले बताउनुभयो ।

विपद बाजा बजाएर नआउने भन्दै त्यसको पुर्व तयारीमा रहनुपर्ने नीलकण्ठ नगरपालिकाका प्रमुख प्रशासकिय अधिकृत पुरुषोत्तम सुवेदीले बताउनुभयो ।विपदका समयमा मानविय सहायता प्रदान गर्न र समुदाय स्तरमै प्राथमिक उपचार गरी जनधनको क्षति हुनबाट बचाउनका लागि यस प्रकारको अभ्यास निकै प्रभावकारी भएको वडा नम्बर ४ का वडा अध्यक्ष हरि बहादुर श्रेष्ठले जानकारी दिनुभयो ।