खनियावास गाउँपालिकामा लोक सेवा तथा शिक्षक सेवा आयोगको तयारी कक्षा संचालन गरिने

धादिङ,१७ भाद्र ।
खनियावास गाउँपालिकामा लोक सेवा आयोग तथा शिक्षक सेवा आयोगको तयारी कक्षा संचालन गरिने भएको छ । गाउँपालिकाको आर्थिक वर्ष २०८०/०८१ कोे वार्षिक स्वीकृत कार्यक्रम बमोजिम लोक सेवा तथा शिक्षक सेवा आयोगका तयारी कक्षा संचालन गर्ने भएको हो ।

खनियावास गाउँपालिका ठेगाना भएका र योग्यता पुगेका इच्छुक नागरिकहरुले असोज १४ गते सम्म गाउँपालिका कार्यालयमा तयारी कक्षा र विषय तोकिएको निवेदन पेश गर्न आग्रह गरिएको छ ।

साथै निवेदनको साथमा नेपाली नागरिकताको प्रतिलिपि, शैक्षिक योग्यता खुल्ने प्रमाणपत्रहरुको प्रतिलिपि र पासपोर्ट साइजको २ प्रति फोटो पेश गर्नुपर्ने गाउँपालिकाले जनाएको छ ।