माओवादीको रुपान्तरण अभियान : नीलकण्ठ ७ द्धारा खानेपानीको मुहान सरसफाई

धादिङ । नेकपा माओवादी केन्द्र नीलकण्ठ ७ वडा कमिटिले खानेपानीको मुहान सरसफाई गरेर‘जनतासँग माओवादी ः विशेष रुपान्तरण अभियान’ को उद्घाटन गरेको छ ।

जनता संगै माओवादी छ भन्ने सन्देश दिन फरक फरक शैलिमा वडा तहमानै पुगी माओवादी केन्द्रले अभियानको उद्घाटन गर्ने क्रममा नीलकण्ठ ७ वडा कमिटिले भैरवी मन्दिर मुनीको तिनदोभाने खानेपानी मुहान सरसफाई गरि अभियानको उद्घाटन गरेको हो ।

उक्त मुहान बाट नीलकण्ठ ७ का हाडीखोला,पिपलछाप देखि हिटी सम्मका बस्तीका स्थानियहरुले खानेपानी खादै आएका छन् ।पार्टीका केन्द्रिय सल्लाहकार बेदनिधि अधिकारी, नगर ईन्चार्ज सम्भु कुमार श्रेष्ठको बिशेष उपस्थितिमा उक्त मुहानको सरसफाई गरिएको थियो ।

पार्टीका रुपान्तरण अभियान मुहान बाट नै सफाई सुरु गरिएको भन्दै आगामी ३ महिनामा वडा पार्टी बाट शशक्त भई बिभिन्न कार्यक्रम संचालन हुने र जनता संग माओवादी संगसगै रहने बताइएको छ ।नीलकण्ठ ७ मा माओवादी केन्द्रको ३ महिने अभियानको नेतृत्व पार्टीका नगर ईन्चार्ज सम्भु कुमार श्रेष्ठले गर्नु भएको छ ।