बुढिगण्डकी नदिमा पौडी खेल्ने क्रममा डुबेर धादिङमा एक शिक्षक बेपत्ता

धादिङ,१५ भदौ ।
बुढिगण्डकी नदिले बगाउदा धादिङमा एक जना शिक्षक बेपत्ता भएका छन् । धादिङको नीलकण्ठ नगरपालिका वडा नम्बर १३ का बासु तिमल्सिना बुढिगण्डकी नदीमा डुबेर आज बेपत्ता भएका छन् । नीलकण्ठ नगरपालिका वडा नम्बर १३ स्थित पञ्चकन्या माध्यामिक विद्यालयका शिक्षक तिमल्सिना विद्यालयको विद्याको दिन साथि सँग नरसिंह धाममा दर्शन गर्न जानुभएको थियो ।

पौडी खेल्दै साथीहरुसँग पालैपालो भिडियो बनाउँदै गर्दा एक्कासी नदीमा बेपत्ता हुनुभएको जिल्ला प्रहरी कार्यालय धादिङले जानकारी दिएको छ । बुढिगण्डकी नदिमा बेपत्ता भएका तिमल्सिनाको खोजी कार्य भईरहेको प्रहरी उपरिक्षक गौतम मिश्रले जानकारी दिनुभएको छ ।