श्रोत परिचालन साकोष द्धारा सदस्यता विस्तारित मञ्च कार्यक्रम सम्पन्न

धादिङबेशी । श्रोत परिचालन बचत तथा ऋण सहकारी संस्था लि.ले सदस्य वितारित मञ्च कार्यक्रम सम्पन्न गरेको छ ।

संस्थाको आर्थिक सामाजिक तथा साँस्कृतिक उदेश्य परिपुर्ती गर्नका लागी आवश्यक निति,नियम तथा कार्यविधिहरुको सम्बन्धमा संस्थाका सदस्यको सहभागितामा बिस्तारित मञ्च कार्यक्रम सम्पन्न गरेको हो ।

सहकारी संस्थाको नयाँ नीति तथा कार्यविधि तर्जुमा, भएकोमा संशोधन तथा आगामी बर्षको रणनितिहरुमा परिमार्जनको लागी विस्तारित मञ्च कार्यक्रम आयोजना गरिएको छ ।

संस्थाको निति, नियम, कार्यविधिहरु सदस्यलेनै साधारण सभाबाट अनुमोदन गरि सदस्यमा नै लागु गरिने भएकोले संस्थालाई सुशासित रुपमा संचालन गर्न यस किसिमको कार्यक्रम आयोजना गरिएको संस्थाका अध्यक्ष रुद्र बहादुर खत्रिले नीलकण्ठ एफ.एम.लाई बताउनु भएको छ ।

२०५४ सालमा स्थापना भएको श्रोत परिचालन बचत तथा ऋण सहकारी संस्था लि.मा हाल ७ हजार ८ सय ८० शेयर सदस्य रहेका छन् ।