डा.राजाराम कार्की को निधन प्रति अन्तर्राष्ट्रिय धादिङ समाजको शोक वक्तव्य

धादिङ,९ भदौ ।

अन्तर्राष्ट्रिय धादिङ समाजका निवर्तवान सल्लाहकार तथा बागमती प्रदेशसभाका पूर्वसदस्य डा. राजाराम कार्की को निधन प्रति अन्तर्राष्ट्रिय धादिङ समाजले शोक वक्तव्य निकालेको छ।धादिङ जिल्लाको स्वास्थ्यका क्षेत्रको एक धरोहराको रुपमा रहेका उहाले लोकतान्त्रिक आन्दोलनहरुमा सक्रिय भूमिका निर्वाह गर्नु भएको भन्दै उहाँको निधनबाट एक अनुभवी र बौद्धिक व्यक्ति गुमाएको र धादिङ जिल्लालाई ठुलो क्षति पुगेको शोक वक्तव्यमा भनिएको छ ।

अन्तर्राष्ट्रिय धादिङ समाजका अध्यक्ष राजन खकुरालले डा.कार्की को निधनबाट निकै मर्माहत भएको र गहिरो दुस्ख प्रकट गर्नुभएको छ । संस्थाका महासचिव राजेन्द्र श्रेष्ठद्धारा हस्ताक्षरीत शोक वक्तव्यमा डा. कार्कीको निधनले जिल्लाले एक अनुभवी र समाजसेवी व्यक्तित्व गुमाएको उल्लेख गरीएको छ ।

अन्तर्राष्ट्रिय धादिङ समाजका निवर्तवान सल्लाहकार, बागमती प्रदेशसभाका पूर्वसदस्य डा.राजाराम कार्की को ६६ वर्षको उमेरमा भदौ ६ गते बुधबार उपचारका क्रममा वीर अस्पतालमा भएको असामयिक निधन भएको थियो ।

शोकको यस घडीमा दिवंगत आत्माको चीर शान्तिको कामना सहित भावपुर्ण श्रद्धाञ्जली अर्पण गर्दै शोकसन्तप्त सिंगो परिवारमा
अन्तर्राष्ट्रिय धादिङ समाज, भावपूर्ण समवेदना प्रकट गर्दछ ।शोक बक्तव्यमा भनिएको छ ।