ज्वालामुखी गाउँपालिकाको बतासेमा दुध संकलन केन्द्र(उद्यम घर)को उद्घाटन

धादिङ,२९ साउन ।
धादिङको ज्वालामुखी गाउँपालिका वडा नम्बर ३ स्थित बतासेमा दुध संकलन केन्द्र(उद्यम घर) को उद्घाटन तथा प्रविधि हस्तान्तरण कार्यक्रम सम्पन्न भएको छ ।सोमबार(आज) एक कार्यक्रमका बिच गाउँपालिकाका अध्यक्ष यमनाथ दनैले दुध संकलन केन्द्रको उद्घाटन गर्नुभएको हो। उद्यम विकास कार्यक्रमको ३५ लाखको बजेटबाट कृषकहरुलाई तालिम,प्रविधि हस्तान्तरण तथा दुघ संकलन केन्द्रको उद्घाटन गरीएको वडा नम्बर २ को वडा अध्यक्ष तथा प्रवक्ता राजु लोप्पाले जानकारी दिनुभयो।

आज उद्घाटन गरिएको दुध संकलन केन्द्रबाट तत्काल दैनीक २ सय लिटर दुघ संकलन गरिने लोप्पाले जानकारी दिनुभयो। ज्वालामुखी गाउँपालिका वडा नम्बर २ का वडा अध्यक्ष राजु लोप्पाको अध्यक्षतामा सम्पन्न भएको कार्यक्रममा गाउँपालिकाका अध्यक्ष यमनाथ दनैको प्रमुख आतिथ्यता रहेको थियो।गाउँपालिकाका उपाध्यक्ष धर्म बहादुर अर्याल,प्रमुख प्रशासकीय अधिकृत सुमन पण्डितको विशेष आतिथ्यता रहेको कार्यक्रममा नेपाली काँग्रेसका नेता नरेन्द्र भट्ट,एकिकृत समाजवादीका नेता भानु दुवाडीको आतिथ्यता रहेको थियो।

ज्लालामुखी गाउँपालिका वडा नम्बर १,२र ३ लाई दुध उत्पादनको पकेट क्षेत्रको रुपमा विकास गरी किसानहरुको आयआर्जनमा टेवा पुर्याउने उद्धेश्यले दुध संकलन केन्दको उद्घाटन गरीएको गाउँपालिकाका अध्यक्ष यमनाथ दनैले जानकारी दिनुभयो। यसअघि ज्वालामुखी गाउँपालिकाको वडा नम्बर १,२ र ३ का ८० जना कृषकहरुलाई तालिम सन्चालन गरीएको थियो । कार्यक्रमकै अवसरमा ८० जना कृषकहरुलाई प्रति किसान एक–एक वटा ५ लिटरको दुघ बोक्ने क्यान समेत हस्तान्तरण गरीएको छ ।

साथै ३ वटा दुघको फ्याट नाप्ने मेसिन समेत हस्तान्तरण गरीएको प्रवक्ता लोप्पाले जानकारी दिनुभयो । दुघ संकलन केन्द्रको उद्घाटको पहिलो दिन आज २६ लिटर दुघ संकलन गरीएको थियो । पहिलो दिन सबैभन्दा बढी दुघ संकलन केन्द्रमा ल्याउने गंगादेवी भट्ट, दुघको फ्याट धैरे आउने किसानधनीहरु तिलक प्रसाद भट्ट र अन्जना भट्लाई समेत पुरस्कृत गरीएको थियो । गाउँमै दुध संकलन केन्द्र बनेपछि त्यस क्षेत्रका नागरिकहरु खुसि भएका छन् । सम्मुनत कृषि तथा पशुपंक्षि सहकारी संस्थाको साझेदारीमा दुघ संकलन गरीएको हो ।