सहयात्री समाजको पहलमा २३ परिवारको पुर्नमिलन, एकले अंश पाए, दुईले सेफ हाउस बाट एसइई दिए

धादिङ । सहयात्री समाज नेपाल धादिङको पहलमा २३ जना प्रभावितहरुको परिवारमा पुर्नमिलन, ७ जना प्रभावितहरु पहिलेको अवस्थाबाट बाहिर निस्किएर एक्लै काम गरि जिविकोपार्जन गरिरहेको, २ जना प्रभावितको नागरिकता र विवाह दर्ता बनेको, एकजनाले अंश प्राप्त गर्न सफल भएको र सेफ हाउसबाट २ जना नानीहरुले एस.इ.इ पास गर्न सफल भएका छन् ।

मंगलबार पत्रकार महासंघको हलमा एक कार्यक्रमको आयोजना गरि संस्थाका कार्यकारी निर्देशक राधिका सापकोटाले लैङिगक हिँम्साका घटनाहरुको बिश्लेषण सम्बन्धि सामाग्री प्रस्तुत गर्नु भएको हो । कार्यक्रममा सहयात्री समाज नेपालमा आर्थिक वर्ष २०७९÷८० मा ११ वटा यौन जन्य हिंसाका घट्ना दर्ता भएका तथ्यांक सार्वजनिक गरिएको थियो ।

जसअन्तरगत शारीरिक कुटपिटको ८ वटा, गाली गलौज दुव्र्यवहारको ७ ,मनोसामाजिक सहयोग ६ वटा घट्ना दर्ता भएको बताईएको छ । गत आ.व.मा सहयात्री समाजले संचालन गरेको सेफ हाउसमा ३१ जनाले सेवा लिएका थिए ।
जसमध्ये १० जना बालबालिकाले निशुल्क रुपमा नीलकण्ठ माध्यामिक विद्यालय र एड्भान्स एकेडेमीमा अध्ययन गरिरहेका छन् । त्यस्तै सहयात्री समाजले प्रहरीसँगको समन्वयमा मानव वेचविखन घट्नाको एक जना प्रभावितलाई उद्धार गर्न समेत सफल भएको थियोे ।

सहयात्री समाज नेपाल धादिङको अध्यक्ष गिता खनालको अध्यक्षतामा भएको कार्यक्रममा प्रमृुख जिल्ला अधिकारी बद्रीनाथ ग्रैह्रेको प्रमुख आतिथ्यता रहेको थियो । सहयात्री समाज नेपालले जिल्लामा महिलाहरु माथी भएको हिंम्सा,बिभेद,र शोषणका बिरुद्ध परिवर्तन, र बिकास तथा सशक्तिकरणकाका लागी काम गर्दे आएको छ ।