सामाजिक सुरुक्षा मन्च गठन तथा अभीमुखीकरण कार्यक्रम धादिङबेशीमा सम्पन्न

धादिङ,१७ साउन ।
सामाजिक सुरुक्षा मन्च गठन तथा अभीमुखीकरण कार्यक्रम धादिङबेशीबेशी सम्पन्न भएको छ । फोकस नेपालको आयोजना तथा नागरीक आवाजको सहगोगमा सामाजिक सुरुक्षा जालो कार्यक्रम अन्तर्गत अभिमुखीकरण कार्यक्रम सम्पन्न भएको हो ।

कार्यक्रममा सामाजिक सुरुक्षा जालो कार्यक्रमको परिचय, कार्यक्रमको उद्धेश्य, परियोजनका मुख्य क्रियाकलापहरु लगायतका विषयमा फोकस नेपालका कार्यकारी निर्देशक एकराज छत्कुलीले सहजिकरण गर्नुभएको थियो ।

त्यसैगरी फोकश नेपालका मनोविमर्श कर्ता खिल कुमारी पोखरेलले नीलकण्ठ नगरपालिका वडा नं ४ र बेनीघाट रोराङ गाउँपालिकाको वडा नं २, ८, ९ र १० मा सामाजिक सुरुक्षा जालो अन्तर्गतका कार्यक्रम संचालन गरिरहेको बताउनुभएको थियो ।

समुदायस्तर रहेका महिला, अपाङ्गता भएका व्यक्ति र पछाडि परेका वर्गहरुको आवाज बुलन्द पार्नको लागि समुदायमा भएका समस्याहरुलाई समाधन गर्नको लागि छलफल गरिने उहाँले बताउनुभयो ।

समुदायस्तरमा मनोसामाजिक समस्याहरु बढिरहेको अवस्थामा मनोसामाजिक कसरी सुरु हुन्छ ? यसको कारण के हो ? लक्षण के हो ? कसरी समाधान गर्ने लगायतका विषयहरुमा काम गर्दै आएको मनोविमर्श कर्ता खिल कुमारी पोखरेलले बताउनुभयो ।

गैर सरकारी संस्था महासंघ धादिङका प्रमुख शालिग्राम दुवाडिको अध्यक्षतामा भएको कार्यक्रममा जिल्ला प्रहरी कार्यालय धादिङका प्रहरी उपरीक्षक गौतम मिश्रको प्रमुख आतिथ्य रहेको थियो ।