बृहत पोषण विशेष कार्यक्रम सम्बन्धी तेस्रो चरणको क्षमता अभिबृद्धि तालिम सकियो

धादिङ,२७ माघ
जिल्लाको तीन वटा पालिकाको संयुक्त आयोजनामा धादिङबेसीमा सुरु भएको बृहत पोषण विशेष कार्यक्रम सम्बन्धी तेस्रो चरणको तालिम सकिएको छ । जिल्लाको सिद्धलेक गाउँपालिका,ज्वालामुखी गाउँपालिका र नेत्रावती डबजोङ गाउँपालिकाको आयोजनामा धादिङबेसीमा सन्चालन गरिएको तालिम सम्पन्न भएको नेत्रावती डबजोङ गाउँपालिकाका स्वास्थ्य शाखा प्रमुख कृष्ण बद्री पौडेलले जानकारी दिनुभयो। स्वास्थ्य कार्यकर्ताहरुको लागि धालिङबेशीमा २० गते देखि सुरु भएको ७ दिने तालिमको बिहिबार एक कार्यक्रमकाबिच समापन गरीएको हो ।
कार्यक्रममा पोषण सम्बन्धी व्यवहार सुधारको लागि परामर्श र छलफल विधि द्धारा ज्ञान,सिप र प्रोत्साहन गर्ने उद्धेश्यले उक्त तालिमको आयोजना गरीएको हो ।

तालिममा कृपोषण व्यवस्थापनको लागि प्राविधिक तथा परामर्श ज्ञान,सिप र क्षमता विकास सम्बन्धि विविध विषयमा तलिममा छलफल गरिएको थियो ।गाउपालिकाले पोषण सम्बन्धी सुधार गर्नुपर्ने कुरा स्वास्थ्य कर्मिहरुसँग समन्वयन गरेर आगामी बजेटमा यस्ता कार्यक्रमहरुलाई प्रथामिक्ता दिने नेत्रावती डबजोङ गाउपालिकाका अध्यक्ष मेघनाथ रिजालले बताउनु भयो । पोषण सबैलाई आवश्यक पर्ने र विशोष गरेर गर्भ अवस्था देखि अन्तिम अवस्था सम्म अत्यन्तै आवश्यकता रहने भन्दै पोषण क्षेत्रमा सिद्धलेक गाउँपालिकाले बजेट बिनियोजन गरेर काम गर्ने सविता अर्यालले बताउनुभयो ।

दिगो विकासको लक्ष्यलाई सफल बनाउन पोषण सम्बन्धी सिकाई महत्वपुर्ण रहेको ज्वालामुखी गाउँपालिकाका उपाध्यक्ष धर्मराज अर्यालले बताउनु भयो।स्वास्थ्य क्षेत्रमा ज्वालामुखी गाउँपालिकाले नमुना काम गरीरहेको भन्दै पालिका भित्रका नागरिकहरुको स्वास्थ्य सुधारको लागि गाउँपालिकाले योजना बनाएर काम गरीरहेको बताउनुभयो ।

ज्वालामुखी गाउँपालिकाका उपाध्यक्ष धर्मराज अर्यालको अध्यक्षतामा सम्पन्न भएको तालिममा नेत्रावती डबजोङ गाउपालिकाका अध्यक्ष मेघनाथ रिजालको प्रमुख आथित्ता रहेको थियो।कार्यक्रममा गाउपालिकाको उपाध्यक्ष सविता अर्यालको विशेष आतिथ्यता रहेको थियो ।