बालबालिकालाई लगाईने खोपलाई पहिलो प्राथमिकतामा राखेर काम गर्न मेयर ढुंगानाको निर्देशन

धादिङ,५ माघ ।
बालबालिकालाई लगाईने खोपलाई पहिलो प्राथमिकतामा राखेर काम गर्न स्वास्थ्यकर्मीलाई नेपाल नगरपालिका संघका केन्द्रिय अध्यक्ष तथा नीलकण्ठ नगर प्रमुख भीम प्रसाद ढुंगानाले निर्देशन दिनुभएको छ।आजको बालबालिका भोली यो देशको कर्णधार रहेको भन्दै खोप लगाउने कामलाई महत्व दिएर काम गर्नको लागि निर्देशन दिनुभएको हो।

पुर्ण खोप दिगोपना सुनिश्चितता साथै सरसरसफाई प्रवद्र्धन सम्बन्धी अभिमुखीकरण तथा समिक्षा गोष्ठीलाई सम्बोधन गर्दै मेयर ढुंगानाले सो कुरा बताउनु भएको हो । नगर प्रमुख भीम प्रसाद ढुंगानाको अध्यक्षतामा सम्पन्न भएको कार्यक्रममा स्वास्थ्य कार्यालयका प्रमुख सागर प्रसाद घिमीरे, नीलकण्ठ नगरपालिकाका शिक्षा शाखा प्रमुख उप सचिव नारायण प्रसाद वाग्ले,बरिष्ठ जनस्वास्थ्य अधिकृत विष्णु प्रसाद रिजाल,स्वास्थ्य कार्यालयका खोप निरिक्षण श्याम प्रसाद पोख्रेल,वडा अध्यक्षहरु,कार्यपालिका सदस्य लगायत स्वास्थ्यकर्मीहरुको सहभागिता रहेको थियो ।

कार्यक्रममा वरिष्ठ जनस्वास्थ्य अधिकृत विष्णु प्रसाद रिजालले नीलकण्ठ नगरपालिका भित्र शत प्रतिशत खोप सुनिश्चितता भएको बताउनु थियो।स्वास्थ्यकर्मीहरुले घरघरमा गएर तथ्यांक संकलन गरेर खोप अभियान सन्चालन गरीरहेको बताउनु भएको थियो । जन्मेदेखी १५ महिनाको अवधिमा बालबालिकाहरुलाई विभिन्न रोग विरुद्धको १३ वटा खोप लगाउनुपर्ने हुन्छ ।

६ महिना देखी ५ बर्ष मुनिका सबै बालबालिकाहरुको घरघरमा गई स्वास्थ्यकर्मीले सर्वेक्षण गर्ने र खोप लगाउन छुटेकाहरुलाई सोहि समयमा लगाउने रिजालले बताउनु भएको छ।नियमित खोपलाई सरसफाई सहितको सुदृढीकरण गर्ने विषयमा छलफल भएको छ । कार्यक्रममा स्वास्थ्य कार्यालयका प्रमुख सागर प्रसाद घिमीरे र स्वास्थ्य कार्यालयका खोप निरिक्षक श्याम प्रसाद पोख्रेलले सहभागिहरुलाई विषयबस्तु माथि सहजिकरण गर्नुभएको थियो ।