बच्छलादेवि मावि सत्यदेवीमा शैक्षिक सामाग्री सहित विद्यार्थीलाई न्यानो कपडा वितरण

धादिङ,२४ पुस ।
धादिङको खनियावास गाउँपालिका स्थित बच्छलादेवि माध्यमिक विद्यालय सत्यदेवीमा शैक्षिक सामाग्री,न्यानो कपडा र विद्यालयलाई १ थान फिल्टर हस्तान्तरण गरीएको छ। शनिवार एक कार्यक्रमका आयोजना गरी लायन्स क्लव अफ काठमाण्डौं जुपिटर तथा शितल छहारी नेपाल धादिङको आर्थिक सहयोग र बच्छलादेवि मावि भुपु बिद्यार्थी समाजको समन्वयमा सहयोग सामाग्री हस्तान्तरण गरीएको हो ।

बिद्यालय ब्यवस्थापन समितिका अध्यक्ष बम बहादर तामाङको अध्यक्षतामा सम्पन्न भएको कार्यक्रममा खनियाबास गाउपालिकाका अध्यक्ष रणबहादर तामाङको प्रमुख आथित्यताता रहेको थियो ।कार्यक्रममा लायन्स क्लव अफ काठमाण्डौ जुपिटरका अध्यक्ष कृष्ण बहादुर पौडेल,शिंतल छहारी नेपालका अध्यक्ष बिना भट्ट, लायन्स क्लव अफ काठमाण्डौ जुपिटरका सदस्य सुजन श्रेष्ठ लगाएतको आतिथ्यता रहेको थियो ।

सहयोग सामाग्री हस्तान्तरण पश्चात कार्यक्रमलाई सम्बोधन गर्दै लायन्स क्लव अफ काठमाण्डौ जुपिटरका अध्यक्ष तथा शितल छहारी नेपालका संरक्षक कृष्ण बहादुर पौडेलले आफु जन्मेको ठाउँको सदैव याद आउने भन्दै आफुले बोलेको बचन अनुसार नै सहयोग सामाग्री हस्तान्तरण गरिएको बताउनु भएको छ ।त्यसैगरी कार्यक्रमका प्रमुख अतिथी तथा खनियाबास गाउपालिकाका अध्यक्ष रण बहादुर तामाङले बिद्यालयहरुको शैक्षिक गुणस्तर बृद्धिमा आफुहरुको सदैव चिन्ता र चासो भएकोले सोहि अनुसारको कार्य गर्दै आएको बताउनुभ भएको छ ।

आफ्नो केहि सपना पुरा भएको भन्दै उहाँले शैक्षिक गुणस्तरका लागी थप मेहनत गर्न शिक्षक तथा बिद्यार्थीहरुलाई आग्रह गर्नु भएको छ । खनियाबास गाउपालिका मात्र आर्थिक स्रोत नभई अन्यन्त्र बाट समेत स्रोत जुटाई भौतिक निर्माण तथा बिकास निर्माणका योजनाहरु संचालन गर्दै आएको समेत अध्यक्ष तामाङले बताउनुभयो ।