अन्तराष्ट्रिय धादिङ समाजले बैदेशिक रोजगारको क्रममा मृत्यु हुने परिवारलाई सहयोग गर्ने,समस्यामा परेकाहरुले सम्पर्क गर्न आग्रह

धादिङ,७ पुस
अन्तराष्ट्रिय धादिङ समाजले धादिङबाट बैदेशिक रोजगारमा गएर मृत्यु भएका र विदेशमा गई विभिन्न समस्यामा परेका परिवारका बालबालिकाहरुलार्ई लक्षित गरेर शैक्षिक सामाग्री सहित न्यानो कपडा वितरण गर्न लागिएको छ ।बैदेशिक रोजगारमा विदेश गएर मृत्यु भएका, जेल परेका,भनेको जस्तो काम र तलब नपाएको, बेपत्ता भएका र कम्पनी बन्द भई अलपत्र परेर आर्थिक अभाव भएका बालबालिकाहरुको पहिचाहन गरी शैक्षिक सामाग्री र न्यानोकपडा वितरण गर्न लागिएको समाजका अध्यक्ष राजन खकुरालले जानकारी दिनुभयो ।

कमाउनको लागि विदेश गएकाहरु नै समस्यामा पर्दा घरमा बस्नेहरुलाई आर्थिक समस्या हुने गरेको कारणले दुखीरहेको घाउमा मलमपट्टी लगाउन उक्त सामाग्री वितरण गर्न लागिएको महासचिव राजेन्द्र श्रेष्ठले जानकारी दिनुभयो ।बालबालिकाहरलाई झोला, कापी, पेन्सिल, पेन, ईलेजर, सीसा कटर, टोपी, मोजा, जुत्ता, ट्र्याक सुट र भित्र लगाउन थर्म कोट वितरण गर्ने लक्ष्य रहेको अन्तराष्ट्रिय धादिङ समाजका प्रवक्ता विशेष लोहनीले बताउनुभयो ।

यस अभियानमा सस्थाका बरिष्ठ उपाध्यक्ष दिनेश तामांग, सचिव राजेन्द्र थपलिया, कोषाध्यक्ष भगवती उप्रेती, सह–कोषाध्यक्ष राम थापा तथा कार्यकारी सदस्य राजेश्वर बस्नेतलाई अध्यक्ष खकुरालले विभिन्न क्षेत्रमा जिम्मेवारी तोक्नु भएको छ । विदेशमा गई मृत्यु भएका, घाईते भएर फर्केका,बेपत्ता भएका, अवैधानिक रुपमा बसेको र घरमा पैसा नपठाउने गरेकाहरुले अन्तराष्ट्रिय धादिङ समाजका पदाधिकारीहरुलाई सम्पर्क गर्न समेत समाजले आग्रह गरेको छ । उक्त सहयोग अभियानमा सस्थाका संरक्षक डा अर्जुन अर्यालले आर्थिक सहयोग गर्नुभएको हो ।
सम्पर्कको लागि नम्बर उपाध्यक्ष दिनेश तामाङः९८५११३८९२१
सचिव राजेन्द्र थपलियाः ९८४३०६६१३८
कोषाध्यक्ष भगवती उप्रेतीः९८४१५४६८९३
सह कोषाध्यक्ष रामकुमार थापाः९८६०४९२३७८