अन्तराष्ट्रिय आप्रवासी श्रमिक दिवसको अवसरमा अन्तरक्रिया

धादिङ । अन्तराष्ट्रिय आप्रवासी श्रमिक दिवसको अवसर पारेर निलकण्ठ नगरपालिका सामी परियोजनाले अन्तरक्रिया कार्यक्रम सम्पन्न गरेको छ ।
कार्यक्रममा धादिङ जिल्लामा बैदेशीक रोजगारिको अवस्था कस्तो छ बैदेशीक रोजगारमा गएका व्यक्रिहरुको अवस्था के छ, बैदेशिक रोजगारमा गएका व्यक्तिहरु कस्तो समस्यामा पर्ने सक्छ भने लगायत कुरामा छलफल भएको थियो । आर्थिक वर्ष २०६५÷६६ देखि २०७८÷७९ सम्ममा नेपालबाट बैदेशिक रोजगार विभागबाट श्रम स्वीकृति लिई २ लाख ८६ हजार २ सय ४२ महिला सहित कुल ५० लाख ८ सय ३३ जना बैदेशिक रोजगारमा गएका छन् । आर्थिक वर्ष २०७८÷७९ मा वैदेशिक रोजगारमा जाने क्रममा १० हजार ९ सय ३२ जनाको मृत्यु भएको छ भने २ हजार १ सय २५ जना गम्भिर विरामी भएको सामी परियोजनाका कार्यक्रम संयोजक दिनेश ढुवाडीले बताए ।
यसै गरि कार्यक्रममा निलकण्ठ नगरपालिकाले युवाहरुलाई स्थानिय स्तरमा नै रोजगारको कार्यक्रमहरु सिर्जना गरेको र १ वडा १ उद्यमशीलता कार्यक्रम ल्याएको निलकण्ठ नगरपालिकाका उपमेयर दिपक विश्र्कमले बताउनु भयो । उहाँले देशमा नै रोजगारको उपलब्ध गराउने र यदि बैदेशीक रोजगारमा जानै पर्दा सिप सिकेर मात्र जान आग्रह गर्नु भयो ।
वैदेशिक रोजगारबाट प्राप्त सिप, पुँजी र ज्ञान उद्यमशीलता, रोजगारी र राष्ट्रिय स्वाभिमान भने नाराको साथ दिवस मनाईएको थियो । दिवसको अवसरमा वैदेशीक रोजगारमा गएर मृत्युवरण गरेकाहरुको सम्झनामा दिप प्रज्वलन समेत गरिएको थियो ।