धादिङमा आज ६ जनामा डेंगी संक्रमण

धादिङ,०८ मंसिर ।
धादिङमा आज ६ जनामा डेंगी संक्रमण पुष्टि भएको छ । स्वास्थ्य कार्यालय धादिङका अनुसार नीलकण्ठ नगरपालिकाका ५ जना र सिद्धलेक गाउँपालिकाका १ जना गरी ६ जनामा संक्रमण पुष्टि भएको हो ।

गत साउन यता जिल्लामा १ हजार २८५ जना पुरुष र १ हजार १२१ महिला गरी कुल २ हजार ४ सय ६ जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लामा कुल संक्रमति मध्ये सबै भन्दा धेरै संक्रमित १५ सय २९ जना नीलकण्ठ नगरपालिमा रहेका छन् भने खनियाबास गाउँपालिकामा सबै भन्दा कम ७ जना संक्रमित रहेका छन् ।

कुल संक्रमित मध्ये १०२ जनाको ठेगाना खुलेको छैन भने ८ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ । धादिङ अस्पताल, सल्यान्टार प्राथमिक स्वास्थ्य केन्द्र र गजुरी प्राथमिक स्वास्थ्य केन्द्र) बाट डेंगी परिक्षण हुदैँ आएको छ ।