धादिङमा डेंगी संक्रमितको संख्या २ हजार ३१० पुग्यो, आज ३१ जना थपिए

धादिङ,२९ कात्तिक ।
धादिङमा आज ३१ जनामा डेंगी संक्रमण पुष्टि भएको छ । स्वास्थ्य कार्यालय धादिङका अनुसार नीलकण्ठ नगरपालिकाका १९ र गल्छी गाउँपालिकाका १२ जनामा संक्रमण पुष्टि भएको हो ।

हालसम्म जिल्लामा १ हजार २४२ जना पुरुष र एक हजार ६८ महिला गरी कुल २ हजार ३१० जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लामा सबै भन्दा धेरै संक्रमित नीलकण्ठ नगरपालिमा रहेका छन् भने खनियाबास गाउँपालिकामा सबै भन्दा कम संक्रमित रहेका छन् ।

कुल संक्रमित मध्ये १०२ जनाको ठेगाना खुलेको छैन भने ९ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ ।