माओवादी केन्द्रमा नै फर्किए मंग तामाङ

धादिङ,२६ कात्तिक । नेकपा एमालेमा गई बागमति प्रदेश कमिटीका सदस्य समेत भएका मंग बहादुर तामाङ पुन नेकपा माओवादी केन्द्रमा नै प्रवेश गरेका छन् ।आज धादिङबेशी स्थित नेकपा माओवादी केन्द्रको पार्टी कार्यालयमा एक कार्यक्रमको आयोजना गरि तामाङलाई स्वागत गरिएको हो ।

नेकपा माओवादी केन्द्रको पोलिटव्युरो सदस्य पुस्प विक्रम मल्लको प्रमुख आतित्थ्यतामा भएको कार्यक्रममा केन्द्रिय सदस्य राम बहादुर भण्डारी,जिल्ला संयोजक मनराज भण्डारी लगाएत पार्टीका नेता तथा कार्यकर्ताहरुको उपस्थिति रहेको थियो ।

पार्टी प्रवेश कार्यक्रममा आफ्नो भनाईहरु राख्दै तामाङ्ले केन्द्र तह देखि नै एउटा लाईननै एमालेमा प्रवेश गरेको हुनाले आफु त्यो भुमरीमा परेको र अवको व्यवस्था संविधान लोकतन्त्र संघीयताको रक्षाको निम्ती नेकपा माओवादी केन्द्र बाट मात्र सम्भव भएको महशुष गरी यो विचार आन्दोलनलाई व्यवस्थीत गर्न आफु माओवादी केन्द्रमा नै प्रवेश गरेको उहाँको भनाई छ ।