डेंगु विरुद्ध सचेतना फैलाउदै धादिङ रेडक्रस

धादिङ २२,कात्तिक । नेपाल रेडक्रस सोसाईटी धादिङ जिल्ला शाखाको आयोजना गंगाजमुना,रुवीभ्याली, खनियाबास गाउपालिकामा सचेतना कार्यक्रम सम्पन्न भएको छ ।

डेंगु बिरुद्धको सचेतना कार्यक्रम फिनिस रेडक्रसको आर्थिक सहयोग तथा केन्द्रिय कार्यालयको समन्वयमा सम्पन्न भएको हो ।
गंगाजमुना मेलाको अवसरमा गंगाजमुना माई मेला परिसरमा सचेतना कार्यक्रम सम्पन्न भएको थियो ।
त्यसैगरी हिजो रुवीभ्याली गाउपालिकाको च्याम्रादेवी मावि सेर्तुङमा बिद्यार्थी तथा शिक्षकहरुलाई अभिमुखिकरण तथा रुवीभ्याली गाउँपालिका सेर्तुङमा डेगु बिरुद्धको अभियानको बिषयमा अन्तरक्रिया कार्यक्रम सम्पन्न भएको हो ।

यसैगरी खनियाबास गाउपालिकामा रहेको बिन्दीदेवी मावि र गणेशकुण्ड माविमा बिद्यार्थी तथा शिक्षकहरुलाई अभिमुखिकरण तथा खनियाबास गाउँपालिका दार्खामा डेगु बिरुद्धको अभियानको बिषयमा अन्तरक्रिया कार्यक्रम सम्पन्न भएको छ ।
सोहि अवसर पारेर रेडक्रस धादिङले बिद्यालयहरुमा रेडक्रस अभियानको बिषयमा अभिमुखिकरण कार्यक्रम समेत सम्पन्न गरेको छ ।अभिमुखिकरण कार्यक्रममा नेपाल रेडक्रस सोसाईटी धादिङ शाखाका सभापती नारायण प्रसाद तिमल्सिना,कोषाध्यक्ष कृष्ण प्रसाद लम्साल र उप मन्त्रि नारायण कुमार श्रेष्ठले सहजीकरण गर्नु भएको थियो ।

पालिका भित्र भएको अन्तरक्रिया कार्यक्रममा नेपाल रेडक्रस सोसाईटी धादिङ शाखाको दुवै पालिका एवम् सवै वडाहरु नेपाल रेडक्रस सोसाईटी धादिङ शाखाको संस्थागत सदस्य बन्ने र दुवै पालिका भित्रका नागरिकहरुलाई रगत तथा रक्ततत्व उपलब्ध गराएबापतको संचालन खर्च पालिकाले धादिङ शाखालाई उपलब्ध गराई नागरिकहरुलाई रगत निशुल्क गरिने प्रतिवद्धता ब्यक्त भएको शाखाका सभापती नारायण तिमल्सिनाले बताउनु भएको छ ।