गंगाजमुनामा कार्तिक १७ गते सार्वजनिक विदा

धादिङ १५ असोज । धादिङको गंगाजमुना गाउँपालिकामा कात्तिक १७ गते सार्वजनिक बिदा हुने भएको छ ।
हरिबोधनी एकादशी ब्रत मेलाको अवसरमा गंगाजमुना माई स्थान तथा प्रसिद्ध झरनामा लाग्ने धार्मिक मेलाको अवसरमा गाउँपालिकाले सार्वजनिक विदा दिने निर्णय गरेको हो ।

गंगाजमुना गाउँपालिकाका प्रमुख प्रशासकिय अधिकृत अनिल श्रेष्ठले आज एक सूचना जारी गर्दै कार्तिक १७ गते बिहिबार दिन सार्वजनिक विदा दिने निर्णय भएको जानकारी दिएका छन् । गंगाजमुना गाउँपालिका नामाकरण भएको गंगाजमुना माई स्थान तथा प्रसिद्ध झरनामा आदिम कालदेखि लाग्दै आएको मेलाको अवसरमा गाउँपालिकाले उक्त दिन सार्वजनिक बिदा दिदै आएको छ ।  गाउँपालिका अन्तरर्गत सरकारी कार्यालयहरु, शैक्षिक तथा अन्य संघ संस्थाहरु सूचना जारी गरि पालिकाले सार्वजनिक बिदा दिएको हो ।