नेत्रावती डबजोङ, तमैमा शुरु खुल्ला भलिबलको उद्घाटन खेलमा पोल्चेतको बिजयी शुरुवात

धादिङ ६, कात्तिक । नेत्रावती डबजोङ गाउपालिका वडा नं. ४ को तमै युवा समाजले शुभ दिपावलीको पावन अबसरमा आयोजना गरेको खुल्ला भलिबल प्रतियोगितामा गाउपालिकाकै वडा नं. १ को पोल्चेत युवा क्लबले बिजयी शुरुवात गरेको छ ।

तमै युवा समाजको बि टिम संगको उद्घाटन खेलमा पोल्चेतले २–१ को जित निकालेको नेत्रावती डबजोङ्ग गाउपालिका, धादिङ्गबाट पोल्चेत युवा क्लबका टिम प्रशिक्षक सुप्पल थोकरले जानकारी दिनुभयो ।

प्रतियोगिताको दोस्रो दिन आज ६ खेल हुने साथै जम्मा ८ टिमको सहभागिता रहेको प्रतियोगिताको कार्तिक ८ गते समापन हुने आयोजकले जनाएको छ । नेत्रावती डबजोङ्ग गाउपालिकाका अध्यक्ष मेघनाथ रिजालले उदघाटन गर्नुभएको प्रतियोगिताको बिजेता हुने टिमलाई नगद रु ५० हजार, ट्रफी, मेडल र प्रमाणपत्र दिईने साथै उपबिजेता हुने टिमलाई नगद रु २५ हजार, मेडल र प्रमाणपत्र दिईने समेत आयोजकले जनाएको छ ।