धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
करेन्ट लागेर धादिङको गल्छीमा एक पुरुषको मृत्यु
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
काठमाडौ,१६ साउन।
केदार घिमिरे ‘माग्नेबुढा’ निर्देशित टेलिभिजन शो ‘कमेडी हब’ विवादमा तानिएको छ । गायक संजय श्रेष्ठले ‘कमेडी हब’ मा भगवान शिवको अपमान गरेको भन्दै श्रृङ्खला बन्द गर्न माग गरेका हुन् ।
१० औं एपिसोडको ट्रेलरमा भगवान शिवलाई मजाकको पात्रको रुपमा प्रस्तुत भएको क्लिप सार्वजनिक गरेपछि गायक श्रेष्ठले धार्मिक आस्था माथिको प्रहारको लागि छानबिन गर्नुपर्ने र गल्ती गर्नेहरुलाई सजाय दिनुपर्ने माग राखेका हुन् ।
‘हामी हिन्दु धर्म मान्ने करोडौं नेपालीहरुको आस्था भगवान शिवलाई मजाकको पात्र बनाएर ‘कमेडी हब’ नाममा उच्छृङ्खलता पस्किने यस्तो नाजायज हिम्मत कसरी गरिन्छ र गरिएको छ ? हिम्मत छ कुनै अरु धर्म र उनीहरुको देव देवीहरूलाई यसरी मजाकको पात्र बनाउने ?’ उनले सामाजिक सञ्जलमा भनेका छन्, ‘हामी सनातन धर्म मान्नेहरुका आराध्यदेव भगवान् शिवलाई मजाकको पात्र बनाइएको यो कमेडीको शृंखला प्रसारण नगरियोस् र तत्काल यस कार्यक्रमका सम्बन्धितहरुले यो धृष्टताको लागि सार्वजनिक रुपमा माफी मागोस् ।
अन्यथा हामी सनातन धर्म मान्नेहरु चुप लागेर बस्ने छैनौं । यो सरासर हाम्रो आस्थामाथिको प्रहार हो । सञ्चार मन्त्रालय, गृह मन्त्रालय तथा संस्कृति मन्त्रालयले पनि यो धार्मिक आस्था माथिको प्रहारको लागि छानबिन गरोस् र गल्ती गर्नेहरुलाई सजाय देओस् ।’
