माओवादीबाट निर्वाचित बेनिघाट रोराङका अध्यक्ष पित्तबहादुर डल्लाकोटि (हरि) एमाले प्रवेश

धादिङ,२१ चैत।

धादिङको बेनिघाट रोराङ गाउँपालिका अध्यक्ष पित्तबहादुर डल्लाकोटि (हरि) नेकपा एमालेमा प्रवेश गर्नुभएको छ।

२०७४ को स्थानीय निर्वाचनमा धादिङका १३ स्थानीय तहमध्ये नेकपा माओवादी केन्द्रबाट निर्वाचित एक मात्र अध्यक्ष डल्लाकोटि आज एमालेमा प्रवेश गर्नुभएको हो।

डल्लाकोटिलाई नेकपा एमालेका अध्यक्ष केपी ओलीले आफनै निवास बालकोटमा खादा लगाएर पार्टी प्रवेश गराउनुभएको हो। डल्लाकोटीसँगै जिल्लाका नेताहरू डा. पुष्प कडेल, भूमि त्रिपाठीसहित बालकोट पुगेका थिए । एमाले पृष्ठभूमिका डल्लाकोटी १५ वर्षपछि एमालेमा फर्नुभएको हो ।

माओवादीका वागमती प्रदेश कमिटी सदस्य समेत रहेका डल्लाकोटीको एमाले प्रवेशलाई धादिङमा आश्चर्यजनकरूपमा हेरिएको छ ।