शिक्षा नियमावलीको नवौं संशोधन  कक्षा १० का विद्यार्थी स्थानान्तरण हुन पाउने 

अबदेखि कक्षा १० का विद्यार्थी एक विद्यालयबाट अर्काे विद्यालयमा स्थानान्तरण हुन पाउने भएका छन् । शिक्षा, विज्ञान तथा प्रविधि मन्त्रालयले शिक्षा नियमावली, २०५९को नवौ संशोधन गर्दै उक्त व्यवस्था गरेको हो । कक्षा १० का विद्यार्थीलाई स्थानान्तरणको व्यवस्था, शैक्षिक सत्र परिवर्तन लगायतका व्यवस्था सहित शिक्षा ऐन, २०२८ को दफा १९ ले दिएको अधिकार प्रयोग गरी सरकारले शिक्षा नियमावली संशोधन गरेको हो।

नवौँ संसोधनले मूल नियमावलीको  नियम २, नियम ४७ क, नियम ५३, नियम ५७, नियम ८०, नियम ८४, नियम १३८,  र नियम १८२ लाई संशोधन गरेको छ । संसोधित नियमावलीमा ‘महामारी वा यस्तै अन्य विपद्का कारण पठन पाठन अवरुद्ध भई विद्यालयबाट स्थानान्तरण हुनु परेको विद्यार्थीले स्थानान्तरण भई आउन चाहेको स्थानको विद्यालयमा सो व्यहोरा खोली निवेदन दिएमा सम्बन्धित विद्यालयले त्यस्तो विद्यार्थीलाई स्थानान्तरण गर्नु पर्ने र सोको जानकारी इकाइलाई दिनु पर्ने’ उल्लेख गरिएको छ ।

यसका साथै त्यस्तै मूल नियमावलीको नियम ८४ मा संशोधन गर्दै ‘महामारी वा यस्तै अन्य विपद् वा विकट हिमाली क्षेत्रका कारण शैक्षिक सत्र परिवर्तन गर्नु पर्ने अवस्था भएमा मन्त्रालयले शैक्षिक सत्र परिवर्तन गर्न सक्ने’ पनि व्यवस्था गरिएको छ ।

हेर्नुस्ः शिक्षा (नवौं संशोधन) नियमावली, २०७७

​

​

​

​

​

​