शनिबार ११ संक्रमित थपिदा ९० संक्रमित निको,सक्रिय संक्रमित हजार भन्दा तल

धादिङ,१९ चैत।

नेपालमा कोरोनाका सक्रिय संक्रमित एक हजार भन्दा तल रहेका छन्।

गत २४ घन्टामा देशभर ३ हजार ३६० कोरोना परीक्षण गर्दा जम्मा ११ जनामा सङ्क्रमण पुष्टि हुदाँ ९० संक्रमित निको भएको स्वास्थ्य तथा जनसङ्ख्या मन्त्रालयले जनाएको छ ।

अब देशभर सक्रिय सङ्क्रमितको सङ्ख्या ९४२ जना मात्रै रहेको छ। देशभर शनिबार २ हजार ८३ आरटी पिसिआर परीक्षणमा १० जना र १२ सय ७७ एन्टिजेन परीक्षणमा १ जनामा संक्रमण पुष्टि भएको छ।

यस्तै गत २४ घन्टामा संक्रमणका कारण मृत्यु हुने शुन्य रहेको छ। योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार ५५९ पुगेको छ भने ११ हजार ९ सय ५१ जनाको मृत्यु भएको छ।

देशभर आजसम्म ११ लाख १८ हजार ५९२ कोभिड संक्रमित भएको मन्त्रालयको तथ्याङकमा उल्लेख छ ।