नेपाली कांग्रेस धादिङको १५औँ महाधिवेशनः धादिङ–२ (१) को सभापतिमा युवा नेता प्रकाश कुमार श्रेष्ठको उम्मेदवारी

धादिङ, १३ असोज ।
नेपाली कांग्रेस धादिङको १५औँ महाधिवेशनअन्तर्गत धादिङ निर्वाचन क्षेत्र नं. २ (१) को प्रदेशसभा क्षेत्रीय सभापति पदमा युवा नेता प्रकाश कुमार श्रेष्ठले उम्मेदवारी घोषणा गर्नुभएको छ ।नीलकण्ठ नगरपालिकाका प्रवक्ता तथा वडा नं. ८ का वडाध्यक्षसमेत रहनुभएका श्रेष्ठले पार्टी संगठनलाई थप व्यवस्थित, गतिशील र नयाँ पुस्तामैत्री बनाउने उद्देश्यसहित प्रदेशसभा क्षेत्रीय सभापतिमा उम्मेदवारी दिनुभएको बताउनुभएको छ ।

श्रेष्ठ नीलकण्ठ नगरपालिकाको नगर प्रवक्ता तथा वडा नं. ८ का निर्वाचित वडाध्यक्ष हुनुहुन्छ । स्थानीय तहमा जनप्रतिनिधिका रूपमा काम गरिरहनुभएका श्रेष्ठले आफ्नो उम्मेदवारीलाई व्यक्तिगत पद प्राप्तिको विषयभन्दा पनि पार्टी संगठनलाई नयाँ ढंगबाट अघि बढाउने अवसरका रूपमा प्रस्तुत गर्नुभएको छ । उहाँले पार्टीभित्र युवा पुस्ताको सक्रिय सहभागिता बढाउने, संगठनलाई जनतासँग थप जोड्ने तथा कार्यकर्ताको भावना र आवश्यकतालाई प्राथमिकतामा राख्ने प्रतिबद्धता व्यक्त गर्नुभएको छ ।
श्रेष्ठले धादिङ–२ (१) अन्तर्गतका पार्टी संगठनलाई वडा तहदेखि नै थप मजबुत बनाउँदै कांग्रेसको संगठनलाई चलायमान बनाउने आफ्नो योजना रहेको बताउनुभएको छ ।उहाँका अनुसार पार्टी संगठनलाई समयअनुकूल बनाउन युवाको भूमिका बढाउनुपर्ने र पार्टीका नेता–कार्यकर्ताबीचको समन्वय तथा संवादलाई प्रभावकारी बनाउनुपर्ने आवश्यकता छ ।कांग्रेसको १५औँ महाधिवेशनअन्तर्गत धादिङमा गाउँ÷नगरदेखि प्रदेशसभा क्षेत्रीय तहसम्मको अधिवेशन प्रक्रिया अघि बढिरहेको अवस्थामा श्रेष्ठको उम्मेदवारीलाई युवा पुस्ताको सक्रियतासँग जोडेर हेरिएको छ ।

विशेषगरी स्थानीय तहमा जनप्रतिनिधिको जिम्मेवारी सम्हालिरहेका व्यक्तिले पार्टी संगठनको नेतृत्वका लागि अघि सर्नुले संगठन र जनप्रतिनिधिबीचको सम्बन्धलाई थप प्रभावकारी बनाउने विषयमा पनि बहस बढाएको छ ।धादिङ–२ (१) को सभापति पदमा उम्मेदवारी घोषणा गर्दै श्रेष्ठले आफू निर्वाचित भए पार्टी संगठनलाई नयाँ शिराबाट अघि बढाउने बताउनुभएको छ । उहाँले कार्यकर्ताको सुझावलाई प्राथमिकता दिँदै संगठनलाई एकताबद्ध र सक्रिय बनाउने तथा पार्टीलाई जनतासँग थप नजिक पु¥याउने आफ्नो प्राथमिकता रहेको उल्लेख गर्नुभएको छ ।प्रदेशसभा क्षेत्रीय सभापति पदका लागि हुने निर्वाचनले धादिङ–२ (१) को आगामी संगठनात्मक नेतृत्व तय गर्नेछ । कांग्रेसको महाधिवेशनसँगै जिल्लामा नेतृत्वका लागि विभिन्न तहमा उम्मेदवारी र दाबी प्रस्तुत हुने क्रम जारी रहेको छ ।