एन प्याब्सन धादिङद्धारा बालबालिकालाई खाद्यान्न सहयोग

धादिङ, पुस २७।
एन प्याब्सन धादिङले स्थापना दिवस तथा राष्ट्रिय एकता दिवसको अवसरमा खाद्यान्न सहयोग गरेको छ। नीलकण्ठ नगरपालिका–३ शान्तिटोलमा रहेको नमुना बौद्धिक अपाङ्गता आधारभुत विशेष विद्यालयमा अध्ययनरत बालबालिकाका खाद्यान्न सामाग्री सहयोग गरिएको हो ।

विद्यालयलाई चामल २ बोरा, नुन ३ केजी , दाल ३ केजी, सुन्तला ५ केजी, चिनि १ केजी, चिउरा ३ केजी सहयोग गरिएको एनप्याब्सन धादिङका अध्यक्ष प्रयास रेग्मीले जानकारी दिनुभयो ।

कार्यक्रममा एनप्याब्सन नेपालका केन्द्रीय सदस्य काशीनाथ कोइरालाको उपस्थितिमा एनप्याब्सन धादिङका निर्वतमान अध्यक्ष ईश्वरी प्रसाद पाण्डेले २ थान म्याट र सदस्य विशाल श्रेष्ठले बिस्कुट सहयोग गर्नुभएको थियो।

स्थापनादिवसलाई सामाजिक उत्तरदायित्वसँग जोड्दै अपाङ्गता भएका बालबालिकाको पोषण तथा शिक्षामा टेवा पु¥याउने उद्देश्यले सहयोग गरिएको एनप्याब्सन धादिङले जनाएको छ।

हाल नमुना बौद्धिक अपाङ्गता आधारभूत विशेष विद्यालयमा ३० जना बौद्धिक अपाङ्गता भएका बालबालिकाहरू अध्ययनरत रहेका छन्। सहयोगप्रति विद्यालय परिवारले एनप्याब्सन धादिङप्रति आभार व्यक्त गरेको छ।