नीलकण्ठ–८ मा ३ दिने निशुल्क दन्त शिविर सम्पन्न, ५०१ जनाले सेवा लिए

धादिङ, ०४ असार ।
नीलकण्ठ नगरपालिका वडा नं ८ रामकोटमा तीन दिने निशुल्क बृहत दन्त शिविर सम्पन्न भएको छ । असार २ गतेदेखि ४ गतेसम्म सञ्चालन भएको शिविरमा ५ सय १ जनाले सेवा लिएको नीलकण्ठ –८ का वडा अध्यक्ष प्रकाश कुमार श्रेष्ठले जानकारी दिनुभयो ।

रामकोटको हटियास्थित अनन्त आशा नेपाल आरोहण शिक्षालय तालिम केन्द्रमा भएको शिविरमा दाँत निकाल्ने, दाँत भर्ने, दाँत सफा गर्ने, दाँतको डिजिटल एक्स–रे लगायत सम्पूर्ण दन्त विशेषज्ञ सेवाहरू प्रदान गरिएको थियो ।

शिविर अनन्त आशा नेपालको आयोजनामा, रामकोट बचत तथा ऋण सहकारी संस्था लिमिटेडको सहकार्य र नीलकण्ठ नगरपालिका वडा नं ८ को समन्वयमा सञ्चालन गरिएको हो।

शिविरमा सहभागीहरुले सहज सेवा पाएको भन्दै आयोजक र स्वास्थ्यकर्मीप्रति आभार व्यक्त गरेक थिए ।