ससाह नजिकै थोपल खोलामा फेला परेको शवको पहिचान खुल्यो, घटना सम्बन्धी थप अनुसन्धान जारी

धादिङबेशी । धादिङको नीलकण्ठ–८ ससाह नजिकै थोपल खोलामा फेला परेको शवको पहिचान खुलेको छ । जिल्ला प्रहरी कार्यालय धादिङका प्रहरी नायव उपरीक्षक सुवास हमालका अनुसार उक्त शव नीलकण्ठ नगरपालिका वडा नं. ९ स्याउलीका ३६ वर्षीय राजकुमार गुरुङको रहेको पुष्टि भएको हो । शवको पोष्टमार्टम प्रक्रिया पूरा गरी परिवारलाई जिम्मा लगाइएको प्रहरी नायव उपरीक्षक हमालले जानकारी दिनुभयो ।

प्रहरीका अनुसार मृतक गुरुङको शव थोपल खोलाको बगरमा फेला परेको थियो। उनका आफन्तका अनुसार उनी सोमबार रातीबाट सम्पर्कमा थिएनन् । घटना सम्बन्धी थप अनुसन्धान जारी रहेको प्रहरीले जनाएको छ ।