धादिङ उद्योग बाणिज्य संघका पदाधिकारीले गरे पदभार ग्रहण

धादिङ । धादिङ उद्योग बाणिज्य संघको पदाधिकारी तथा सदस्यहरुले पदभार ग्रहण गरेका गरेका छन् । ११ औं अधिवेशनबाट निर्वाचित कार्यसमितिले बिहिबार एक कार्यक्रमको आयोजना गरि पदभार ग्रहण कार्यक्रम सम्पन्न गरेका हुन् ।

संघको पुस २६ र २७ गते धादिङवेशीमा भएको ३१ औं साधारण सभा तथा ११ औ अधिवेशनबाट सर्वसम्मत रुपमा नयाँ कार्यसमिति चयन भएको थियो ।

धादिङ उद्योग बाणिज्य संघको विधानमा निर्वाचनमा सदस्य पदमा विजयी भएका ब्यक्तिहरु मध्येबाट अध्यक्षले पदाधिकारी चयन गर्ने ब्यवस्था अनुरुप गत माघ ६ गते बसेको नवनिर्वाचित कार्यसमितिको पहिलो वैठकबाट पदाधिकारी चयन गरिएको थियो ।