सहिद स्मृति सञ्चार सहकारी संस्था लिमिटेडको १६ औं वार्षिक साधारण सभा सम्पन्न

धादिङबेशी । सहिद स्मृति सञ्चार सहकारी संस्था लिमिटेडको १६ औं वार्षिक साधारण सभा सम्पन्न भएको छ । शनिबार संस्थाका अध्यक्ष मनराज भण्डारी (शैलेस) को अध्यक्षता तथा नेकपा माओवादी केन्द्र धादिङका ईञ्चार्ज एवम् संविधान सभाका सदस्य पुष्प विक्रम मल्लको प्रमुख आतिथ्यतामा साधारणसभा सम्पन्न भएको हो ।

सहकारी संस्थाको साधारणसभामा माओवादी केन्द्रका केन्द्रिय सदस्य राम बहादुर भण्डारी, नेकपा माओवादी केन्द्र बागमती प्रदेश कमिटीको सहसचिव दल बहादुर बुर्लाकोटी (बिजय) र सिद्धलेक गाउँपालिकाको अध्यक्ष परशुराम खतिवडाको बिशेष आतिथ्यता रहेको थियोे ।

कार्यक्रमलाई सम्बोधन गर्नुहुदै अतिथिहरुले विगत १६ वर्ष अगाडी व्यवस्था बदल्नका निमित्त साहदत्त प्राप्त गर्नुहुने सहिदहरुको स्मरण र प्राप्त उपलब्धीको संस्थागत गर्दै थप राजनितिक, सामाजिक एवं आर्थिक रुपान्तरणमा आवाजको माध्यमबाट सहकारी संस्थाले महत्वपुर्ण भुमिका खेलेको भन्दै सहकारी संस्थालाई धन्यावाद प्रकट गर्नु भएको थियो ।

सहिद स्मृति सञ्चार सहकारी संस्था लिमिटेडले हाल रेडियो बिहानी संचालन गरेको छ । साधारणसभामा संस्थाका महासचिव दिपक बिश्वकर्माद्धारा प्रस्तुत गरिएको प्रगती प्रतिवेदन तथा प्रस्तावित गरिएको आर्थिक प्रतिवेदन सर्वसहमत अनुमोदन गरिएको छ ।