नेकपा माओवादी केन्द्र गंगाजमुना गाउँसमितिको अध्यक्षमा रामेश्वर सिंम्खडा चयन

धादिङबेशी । नेकपा माओवादी केन्द्र गंगाजमुना गाउँसमितिको अध्यक्षमा रामेश्वर सिंम्खडा चयन हुनुभएको छ । शनिबार तेस्रो सम्मेलन पछिको पहिलो बैठकले गत मंसिर २८ गते निर्वाचित ४५ सदस्य मध्ये ज्येष्ठ सदस्य रामेश्वर सिंखडालाई सर्वसहमत अध्यक्षमा चयन गरिएको    हो ।

त्यसैगरि उपाध्यक्षमा राजकुमार कार्की, यम तामाङ र किन्द्र बहादुर अधिकारी, सचिवमा टिकाराम न्यौपाने, कोषाध्यक्षमा कुमार बहादुर अधिकारी र सह–सचिवमा भद्र कुमारी रोकाया लगायत ३८ जना सदस्यहरु रहने गरि सर्वसम्मत गाउँसमिति चयन गरिएको हो ।

माओवादी केन्द्रका केन्द्रिय सदस्य राम बहादुर भण्डारीको प्रमुख आतिथ्यता, नेकपा माओवादी केन्द्र बागमती प्रदेश कमिटीको सहसचिव दल बहादुर बुर्लाकोटी (बिजय) र नेकपा माओवादी केन्द्र बागमती प्रदेश कमिटी सदस्य तथा गंगाजमुना गाउँपालिका ईन्चार्ज नवराज अधिकारीको विशेष आतिथ्यता नेतृत्व चयन गर्ने पहिलो बैठक सम्पन्न भएको हो ।