बेनिघाटमा श्रीभद्भागवत सप्ताह ज्ञान महायज्ञ हुँदै,एकिकृत छात्राबास ब्यवस्थित गर्ने उदेश्य

धादिङबेशी । धादिङको बेनिघाट रोराङ गाउँपालिकाले माघ १७ देखि २३ गते सम्म श्रीभद्भागवत सप्ताह ज्ञान महायज्ञ संचालन गर्ने भएको छ । बेनिघाट रोराङ गाउँपालिका वडा नम्वर ८ मा सञ्चालनमा ल्याईएको एकिकृत छात्राबास ब्यवस्थित गर्ने र अन्य स्थानमा पनि एकिकृत छात्राबास स्थापना गर्ने उदेश्यले महायज्ञ संचालन गर्न लागिएको हो ।

श्रीभद्भागवत सप्ताह ज्ञान महायज्ञ वडा नं. ७ चरौंदी स्थित मैदानमा सञ्चालन हुने र महायज्ञमा भागवत मञ्जरी राधिका दासीले कथा वाचन गर्ने बिहिबार पत्रकारहरुसंग कुरा गर्दै गाउँपालिकाका अध्यक्ष कृष्ण बहादुर थपलिया बिवेकले जानकारी दिनुभएको छ ।

शैक्षिक गुणस्तरमा सुधार गरेर सम्वन्धित समुदायको जीवनमा आर्थिक सामाजिक रुपान्तरण गर्न सकिने भन्दै उहाँले गाउँपालिकाको आर्थिक श्रोत कम भएको र श्रोत संकलनकालागि महायज्ञ आयोजना गरिएको कुरामा जोड दिनुभयो ।

गाउँपालिकाको १६ औं गाउँसभाले विभिन्न माध्यमबाट संकलन हुने श्रोतको कोष सञ्चालन तथा व्यवस्थापनलाई व्यवस्थित गर्न शैक्षिक उत्थान कोष व्यवस्थापन ऐन–२०८१ समेत पारित गरिसकेको छ । यहि ऐनको आधारमा कोषको रकम परिचालन गर्ने र शैक्षिक सुधारका कार्यक्रममा नै श्रोत खर्च हुने पत्रकार भेटघाटमा अधयक्ष थपलियाले बताउनु भयो ।

गाउँपालिकाको शैक्षिक गुणस्तर अभिवृद्धि गर्ने मुख्य उदेश्यले आयोजना गरिएको महायज्ञ सफल बनाउन गाउँपालिकाले सवैलाई अनुरोध गरको छ ।