गुरूङ पोसाक फोटो प्रतियोगिताको उपाधि स्याङ्जाका चन्द्र गुरूङलाई

धादिङ, १५ पुष ।
नेपालका गुरूङ समुदायको राष्ट्रिय पोसाक फोटो प्रतियोगिता ‘गुरूङ ड्रेस फोटो कन्टेस्ट–२०८१’ को उपाधि स्याङ्जाका चन्द्र गुरूङले जित्नुभएको छ । देश तथा विदेशबाट प्राप्त ३४२ प्रतिस्पर्धी फोटोलाई पछि पार्दै उनले यो टाइटल जित्नुभएको हो ।

प्रतियोगितामा चितवनकी अङ्किता गुरूङले ‘फस्ट रनरअप’, लमजुङका अनिल गुरूङले ‘सेकेन्ड रनरअप’, र धादिङकी प्रतिभा गुरूङले ‘थर्ड रनरअप’ को स्थान हासिल गर्नुभएको छ ।

सो प्रतियोगिताको आयोजक नेपाल तमु (गुरूङ) विद्यार्थी छोंज धीं धादिङका अध्यक्ष तथा संयोजक रेखबहादुर गुरूङका अनुसार, फेसबुकमा प्राप्त ‘लाइक’, ‘कमेन्ट’, ‘शेयर’ र गुरूङ पोसाकको उत्कृष्ट प्रस्तुतिको आधारमा विजेता घोषणा गरिएको हो।

“गुरूङ समुदायको कला, संस्कृति, र वेशभूषा जोगाउन र प्रवद्र्धन गर्न यो प्रतियोगिताले ठूलो योगदान पु¥याएको छ। यसले देश–विदेशमा गुरूङ पोसाकको प्रचार मात्र गरेको छैन, सिङ्गो देशको पहिचानसमेत बढाएको छ,” संयोजक गुरूङले बताउनुभयो । उनले उहाँले भन्नुभयो, “प्रतियोगिताले बालबालिका र युवाहरुलाई आफ्नो वेशभूषा र संस्कृति सिक्न प्रेरणा दिएको छ।”

तमु ह्यूल छोंज धीं गुरूङ राष्ट्रिय परिषद् धादिङका पूर्वअध्यक्ष गोपाल गुरूङका अनुसार, डिजिटल माध्यमबाट सञ्चालित यो प्रतियोगिताले नेपालका विभिन्न जातजातिमा भावनात्मक, सांस्कृतिक, र सामाजिक चेतना जगाउन पनि महत्त्वपूर्ण भूमिका खेलेको छ।

तमु ल्होसारको अवसरमा उत्कृष्ट फोटोहरुलाई नगद, ट्रफी, प्रमाणपत्र, र अन्य उपहार प्रदान गरिएको छ। उत्कृष्ट १० भित्र पर्ने फोटोहरुलाई पनि गुरूङ पोसाक सहित प्रमाणपत्र र उपहार दिइएको थियो। कार्यक्रमका क्रममा प्रतियोगितामा सहयोग पु¥याउने दाताहरूलाई सम्मान पनि गरिएको छ ।

नेपाल तमु (गुरूङ) विद्यार्थी छोंज धींका केन्द्रीय अध्यक्ष पवन गुरूङका अनुसार, सीमित स्रोतसाधनका बाबजुद गुरूङ पोसाकको संरक्षण र प्रवद्र्धनमा प्रतियोगिताले उल्लेखनीय योगदान पु¥याएको छ। कार्यक्रममा अतिथिहरुले सामाजिक सञ्जालको सकारात्मक प्रयोग गरेर यस्ता कार्यक्रमले समाजमा सकारात्मक सन्देश प्रवाह गर्न सहयोग पु¥याउने बताएका थिए।

“कला, संस्कृति, र वेशभूषा हाम्रो पहिचान हो; यसको संरक्षण र प्रवद्र्धन हाम्रो अभियान” भन्ने नाराका साथ तीन महिनासम्म सञ्चालन गरिएको यो फोटो प्रतियोगिताले गुरूङ समुदायको पहिचानलाई थप मजबुत बनाएको छ।