धादिङ अस्पतालमा सन्चालन भएको विशेषज्ञ सेवाबाट १ सय २९ जना लाभान्वित

धादिङ,१३ पुष
धादिङ अस्पतालमा प्रत्येक महिनाको दोस्रो शनिवार उपलब्ध हुने विशेषज्ञ सेवा आजबाट(शनिवार)बाट सुरु भएको छ । बागमती प्रदेश सरकार स्वास्थ्य मन्त्रलय स्वास्थ्य निर्देशनालय र धादिङ अस्पतालको आयोजनामा विशेषज्ञ सेवा सन्चालन गरीएको हो । धादिङका नागरिकहरुलाई जिल्ला अस्पतालबाट प्रवाह नहुने अन्य विशेषज्ञ सेवा प्रवाह गराउने उदेश्यले प्रत्येक महिनाको दोस्रो शनिवार सेवा सन्चालन गरीएको निमित्त अस्पताल निर्देशक गगन अधिकारीले बताउनुभयो ।

धादिङ अस्पतालमा आजदेखी(शनिवार) प्रत्येक महिनाको दोस्रो शनिवार छाला रोग विशेषज्ञ,मुटुरोग तथा घड्कन विशेषज्ञ,नाक कान घाँटी विशेषज्ञ र मधुमेह र थाईराईड रोग विशेषज्ञ सेवा सन्चालन हुने डा.अधिकारीले नीलकण्ठ एफएमलाई जानकारी दिनुभयो । विशेषज्ञ सेवा अन्तरगत नाक कान घाँटी रोगका ६३ जना,मुटुरोगका २३ जना,छाला रोगका ३० जना र मधुमेह तथा थाईराईड रोगका ६ जना गरी जम्मा १२९ जना विरामीको स्वास्थ्य परिक्षण गरीएको छ । अबदेखी प्रत्येक महिनाको दोस्रो शनिवार विशेषज्ञ सेवा प्रवाह गरीएकोले स्वास्थ्य समस्या भएका विरामीलाई धादिङ अस्पतालाई आई सेवा लिनको लागि निमित्त अस्पताल निर्देशक गगन अधिकारीले आग्रह गर्नुभएको छ ।