धादिङबेसीमा कौसी खेती तालिम हुँदै

धादिङबेशी । नीलकण्ठ नगरपालिका वडा न ३ धादिङबेशीमा कौसी खेती तालिम हुने भएको छ । यहि पौष १८ र १९ गते वडा न ३ को आयोजनामा उक्त तालिम हुन लागेको हो ।

नीलकण्ठ नगरपालिका वडा न ३ का ४० जनालाई पहिलो चरणमा यो तालिम दिन लागिएको वडा अध्यक्ष राजकुमार श्रेष्ठले जानकारी दिनुभयो । उहाँले बजारमा तरकारीको अत्याधिक माग रहेको र अत्याधिक विषादीयुक्त तरकारी बजारमा आउन थालेपछि ताजा तथा स्वस्थकर तरकारी तथा फलफुल खाने वातावरण सिर्जना गर्ने उद्देश्यले तालिमको आयोजना गरिएको बताउनु भयो । उहाँले यस तालिमले मानिसलाई स्वस्थसँगै आत्मनिर्भर बनाउन पनि सहयोग पुग्ने दावी गर्नुभयो ।

दुई दिनसम्म चल्ने तालिमका लागि सिक्न इच्छुकले वडा कार्यालयमा पुष १७ गते दिउँसो २ वजेसम्म निवदेन दिनु पर्ने उहाँको भनाई छ ।