चिल्ड्रेनपार्क आवासीय माध्यामिक विद्यालयको वार्षिक खेलकुद आज सकिदै ,२० स्वर्ण सहित हरियो सदन अगाडी

धादिङ,९ पुष
विद्यालयको वार्षिक कार्यतालिका अनुसार  ७ गतेबाट सुरु भएको खेलकुद कार्यक्रम आज सकिदै छ । पुष ७ गते एक कार्यक्रमका बिच उद्घाटन गरीएको खेलकुद कार्यक्रम आज समापन हुने विद्यालयका प्रिन्सिपल षष्टि कुमार श्रेष्ठले जानकारी दिनुभयो , जारी खेलकुद प्रतियोगितामा विद्यालयका हरियो सदन २० स्वर्ण,१६ रजत र १२ कास्य सहित पहिलो स्थानमा रहेको छ । यसैगरी १५ स्वर्ण,१४ रजत र १२ कास्य सहित निलो सदन दोस्रो स्थानमा रहदा ११ स्वर्ण,१४ रजत र १८ कास्य सहित रातो सदन तेस्रो स्थानमा रहन सफल भएको छ । यसैगरी ९ स्वर्ण,११ रजत र ९ कास्य सहित पहेंलो सदन चौथो स्थानमा रहेको छ । प्रतियोगितामो अन्तिम दिन आज छात्र-छात्रा को फुटसल सहित बाँकि फाइनल खेल हुने श्रेष्ठले नीलकण्ठ एफएमलाई जानकारी दिनुभयो ।राष्ट्रले अंगिकार गरेको राष्ट्रको लागि खेलकुद , स्वास्थ्यका लागि खेलकुदको उदेश्यलाई विद्यालय तहबाट नै पूरा गदै लैजाने, आफूमा खेलप्रति रहेको कौसललाई प्रस्फुटन गर्दै अनुशासन, टिम वर्क, धैर्यता जस्ता सीपहरू विद्यालय तहबाटै सिकाउने प्रिन्सिपल षष्टिकुमार श्रेष्ठले बताउनु भयो ।