चिल्ड्रेनपार्क आवासीय माविको खेलकुद कार्यक्रम पौष ७ गते(भोली)बाट सुरु हुने

धादिङ,६ पुष

धादिङ जिल्लाकै अब्बल शैक्षिक संस्था चिल्ड्रेनपार्क आवासीय माध्यामिक विद्यालयको वार्षिक खेलकुद कार्यक्रम पौष ७ गतेबाट हुने भएको छ । विद्यालयको वार्षिक कार्यतालिका अनुसार भोलि पौष ७ गते बिहान १० बजे बिबिध कार्यक्रमका साथ उद्घाटन हुनेछ । ७ गतेबाट सुरु भएको खेलकुद कार्यक्रम पुष ९ गते सम्म सन्चालन हुनेछ । विद्यालयका नीलो, हरियो, रातो, र पहेँलो सदन बिच प्रतिस्पर्धा हुने खेलहरु अन्तराष्ट्रिय नियम अनुसार संचालन हुने विद्यालयका खेलकूद व्यवस्थापन समितिका सदस्य केशव श्रेष्ठले जानकारी दिनुभयो ।

सदन शिक्षकहरु बिच समेत हुने प्रतिस्पर्धामा कुल २१७ स्वर्ण, २१७ रजत र १८२ कास्य पदक गरी जम्मा ६१६ पदकका लागि प्रतिस्पर्धा हुने खेलकुद संयोजक इन्द्रराज श्रेष्ठले जानकारी दिनु भएको छ।कक्षा १० सम्मको विद्यार्थीहरु सहभागि हुने खेलहरुलाई प्रि प्राइमरी, जुनियर, सब जुनियर र सिनियर गरी ४ तहमा खेल खेलाइने छ । खेलहरू विद्यालय प्राङ्गण, जिल्ला प्रशासनसँगैको खेल मैदान र धादिङ फुटसलमा संचालन हुने खेलकूद व्यवस्थापन समितिका संयोजक श्रेष्ठले बताउनुभयो ।

पौष ७ गतेदेखि सुरु हुने खेलकुदले राष्टले अंगिकार गरेको ुराष्टका लागि खेलकुद, स्वास्थ्यका लागि खेलकुदु को उदेश्यलाई विद्यालय तहबाट नै पूरा गदै लैजाने, आफूमा खेलप्रति रहेको कौसललाई प्रस्फुटन गर्दै अनुशासन, टिम वर्क, धैर्यता जस्ता सीपहरू विद्यालय तहबाटै सिकाउन हरेक बर्ष जस्तै यो वर्ष पनि आयोजना गरिएको प्रिन्सिपल षष्टिकुमार श्रेष्ठले जानकारी दिनुदभयो ।२०८० सालको प्रतियोगिता नीलो सदनले जितेको थियो । साथै कक्षा ११, १२ र सिपी कलेजको समेत खेलकुद कार्यक्रम भोलिदेखि बिहानी सत्रमा संचालन हुने श्रेष्ठले नीलकण्ठ एफएमलाई जानकारी दिनुभयो ।