अभिभावकको आर्थिक भार कम गर्न नीलकण्ठमा शिक्षा निशुल्क गरीएको होः मेयर ढुंगाना

धादिङ,२ पुष
आर्थिक अवस्था कमजोर भएका अभिभावकहरुको आर्थिक भार कम गर्नको लागि नीलकण्ठ नगरपालिकाले शिक्षा निशुल्क गरीएको नगर प्रमुख भीम प्रसाद ढुंगानाले बताउनु भएको छ । पैसाको अभावले विद्यालयको शुल्क तिर्नलाई समस्या भएकाहरुलाई सहज होस भनेर कक्षा १२ सम्मको शिक्षा निशुल्क गरेको बताउनुभयो। नीलकण्ठ नगरपालिका वडा नम्बर ६ स्थित रघु माध्यमिक विद्यालयको ४४ औँ बार्षिक उत्सवलाई सम्बोधन गर्नुहुदै मेयर ढुंगानाले ऋण तथा अन्नबाली बेचेर छोराछोरी पढाउनुपर्ने बाध्यता हटाउन खोजिएको बताउनुभयो। स्थानिय सरकारको प्रत्याभुति गराउनको लागि शिक्षा निशुल्क गरीएको बताउनुभयो ।

शिक्षाले चेतना दिने भन्दै उहाँले विकास निर्माणको काम भन्दा पनि शिक्षा महत्वपुर्ण भएको भन्दै उहाँले विदालय मर्ज गर्नेदेखी प्रतिस्पर्धाबाट प्रधानाध्यापक नियुक्त गर्ने सम्मको काम गरीएको बताउनुभयो। कार्यक्रमका प्रमुख अतिथी समेत रहनुभएको मेयर ढुंगानाले नगरपभित्रका मावि विद्यालयहरुमा गएर विद्यार्थी,अभिभावक र शिक्षकहरुको गुनासो सुन्ने समेत बतानुभयो ।

शिक्षा निशुल्क सँगै अब स्वास्थ्यमा समेत नयाँ कार्य गर्न खोजिएको बताउनुभयो । गुणस्तरीय स्वास्थ्य उपचार र घरघरमै स्वास्थ्य सेवा पाउने सम्मको कार्यक्रम बनाएर जेष्ठ नागरिकहरुको घरघरमा गएर उपचार गर्ने व्यवस्था मिलाउने बताउनुभयो । आफु नगर प्रमुखको पदमा रहेपनि नरहेपनि जनताको सेवामा जीवनभर सक्रिय रहने बताउनुभयो। कार्यक्रमलाई नगर उप प्रमुख दिपक विश्वकर्मा,वडा नम्बर ८ का वडा अध्यक्ष तथा प्रवक्ता प्रकाश कुमार श्रेष्ठ,वडा नम्बर ६ का वडा अध्यक्ष भुपेन्द्र कुमार श्रेष्ठ र नेपाल नगरपालिका संघका सल्लाहकार तथा नेपाली काँग्रेसका युवा नेता सरोज अधिकारीले शुभकामना मन्तव्य राख्नुभएको थियो ।
ख