शितल छहारी नेपाल र लायन्स क्लब अफ धादिङ भैरवीको सहयोगमा न्यानो कपडा हस्तान्तरण

धादिङबेशी । लाईन्स् क्लव अफ धादिङ भैरवी र शितल छहारी नेपालको सहयोगमा स्वाबलम्बी बहिरा आधारभुत विधालयका बिद्यार्थीहरुलाई जाडोको लागि न्यानो कपडा हस्तान्तरण गरिएको छ ।

नीलकण्ड नगरपालिका वडा नं ८ मा रहेको उक्त बिद्यालयका विद्यार्थीहरुलाई प्रति जोर २५०० पर्ने ३५ थान न्यानो कपडा हस्तान्तरण गरेको हो । जाडो बड्दै गईरहेको अवस्थामा बिद्याथीहरुको समस्यालाई मध्यनजर गर्दै उक्त सहयोग सामाग्री हस्तान्तरण गरिएको लायन्स क्लव अफ धादिङ भैरवीका अध्यक्ष कृष्ण बद्री पौडेलले बताउनु भयो ।

कार्यक्रममा बिद्यालय ब्यवस्थापन समितिका अध्यक्ष रमेश दाहाल, मानव अधिकार संगठन धादिङका सभापति कृष्णराज अधिकारी, लायन्स क्लव अफ धादिङ भैरवीका अध्यक्ष कृष्ण बद्री पौडेल, उपाध्यक्ष वालकृष्ण नेपाली, द्धितिय उपाध्यक्ष बद्री अधिकारी, सदस्य नबराज भट्ट, शितल छहारी नेपालका उपाध्यक्ष बिक्रम पौडेल, प्रध्यानाध्यापक राम प्रसाद अधिकारी लगाएतको उपस्थिति रहेको थियो ।

कार्यक्रमलाई सम्बोधन गर्दै लायन्स क्लव अफ धादिङ भैरवीका अध्यक्ष कृष्ण बद्री पौडेलले पौष महिना भित्रमा स्थानिय वासिन्दा तथा स्वाबलम्बी बहिरा आधारभुत बिधालयका बिद्यार्थीहरुलाई लक्षित गरी बिशेषज्ञ डाक्टर सहितको निशुल्क स्वास्थ्य शिविरको आयोजना गर्ने प्रतिबद्धता व्यक्त गर्नु भएको थियो ।