सप्तकोशी बचत तथा ऋण सहकारीको २४ औँ स्थापना दिवसमा २७ जना जेष्ठ सदस्य सम्मानित

धादिङ,०१ फागुन ।
गोरखाको आरुघाट गाउँपालिका–१० मंगलटारमा रहेको सप्तकोशी बचत तथा ऋण सहकारी संस्था लिमिटेडको २४ औँ स्थापना दिवस तथा जेष्ठ नागरीक सम्मान कार्यक्रम सम्पन्न भएको छ ।

संस्थाका अध्यक्ष मेन बहादुर अधिकारीको अध्यक्षतामा सम्पन्न कार्यक्रममा पुर्व अध्यक्ष तीर्थ बहादुर नेपाली, कृष्ण बहादुर खनाल लगायतको आतिथ्यता रहेको थियो ।

कार्यक्रममा संस्थाका व्यवस्थापक वासदुेव लामिछानेले संस्थाको प्रगति प्रतिवेदन प्रस्तुत गर्नुभएको थियो भने सचिव धु्रव कुमार दाहालले कार्यक्रम संचालन गर्नुभएको थियो ।

सहकारीको स्थापना दिवसको अवसरमा ७५ वर्ष माथिका २७ जना जेष्ठ सदस्यहरुलाई सम्मान समेत गरिएको छ ।

त्यसैगरी सहकारीको २४ औँ स्थापना दिवसकै अवसरमा आयोजित रक्तदान कार्यक्रममा ३० जनाले रक्तदान गरेका छन् । कार्यक्रममा १६ जना पुरुष र १४ जना महिला गरी ३० जनाले रक्तदान गरेको संस्थाका अध्यक्ष मेन बहादुर अधिकारीले जानकारी दिनुभयो ।

बिहान १० बजेदेखि दिउसो ४ बजेसम्म भएको रक्तदान कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधि सहयोग रहेको थियो ।