डिभिजन वन कार्यालय धादिङद्धारा सुपरभाईजर र सामाजिक परिचालिकालाई क्षमता अभिबृद्धि तालिम

धादिङबेशी । जिल्ला सुपर भाईजर र सामाजिक परिचालिकाको क्षमता अभिबृद्धि तालिम संचालन गरिएको छ । डिभिजन वन कार्यालय धादिङको आयोजनामा राष्ट्रिय वन विकास तथा व्यवस्थापन कार्यक्रम अन्तरर्गत क्षमता अभिबृद्धि तथा पुन तार्जगी तालिम संचालन गरिएको    हो ।

सामाजिक परिचालनको माध्यामबाट वन तथा वातावरण संरक्षण तथा जिविको पार्जन सुधारको लागि कवुलियत वन समुहरुलाई सहजीकरण गर्न, आवश्यक ज्ञान सिप प्रदान गर्ने उद्धेश्यले तालिम संचालन गरिएको डिभिजन वन कार्यालय धादिङका सुचना अधिकारी टंक श्रेष्ठले बताउनुभयो ।

तालिममा कवुलियती वन सम्बन्धी निति नियम, सामाजिक परिचालनको अवधारणा, कवुलियती वन समहुको अवधारणा लगायतका विषयमा प्रशिक्षण गरिएको श्रेष्ठले जानकारी दिनुभयो । तालिमको सहजीकरण वन अधिकृत टंक नारायण श्रेष्ठ, दिपक प्रसाद पुडासैनी, वन प्राविधिक सहायक सविन आचार्य, फरेस्टर रामकुमार श्रेष्ठले गर्नुभएको थियो ।

तालिममा नीलकण्ठ नगरपालिका, रुवीभ्याली गाउँपालिका, खानियावास, धुनिबेशी, गल्छी, थाक्रे, ज्वालामुखी, गंगाजमुना, त्रिपुरासुन्दरी गाउँपालिका भित्र छरिएर रहेका विपन्नमुखी कवुलियती वन समुहहरुलाई सहजीकरण गर्ने सामाजिक परिचालक र सुपर भाइजरको सहभागिता रहेको थियो ।