लामागुरु महादेव माविमा बक्तृत्वकला प्रतियोगिता सम्पन्न

धादिङ,२४ पुस 
नीलकण्ठ नगरपालिका वडा नम्बर २ मा रहेको लामागुरु महादेव माध्यामिक विद्यालयमा वक्तृत्वकला प्रतियोगिता सम्पन्न भएको छ । विद्यालयले कक्षा ६ देखी ८ को एक समुह र ९ र १० कक्षाको अर्को समुह गरी दुइ समुह बनाएर प्रतियोगिता संचालन गरिएको विद्यालयका प्रधानाध्यापक ध्वज बहादुर मगरले जानकारी दिनुभयो ।

६ देखि ८ कक्षा अन्तरगत सुविज्ञ थापा मगर र विनम आले मगर प्रथम, अंकित राना मगर द्धितिय र करिना राना मगर तृतिय भएका छन् ।
त्यसैगरी कक्षा ९ र १० अन्तरगत सुस्मा गुरुङ प्रथम, एन्जीला राना मगर द्धितिय र अनिशा राना मगर तृतिय भएका छन् ।

साथै विद्यालयमा भएको प्रतियोगिताको अवसर पारेर नीलकण्ठ नगरपालिका वडा नं २ सिउँडीबारका अन्नपुर्ण आमा समुहले विद्यालयलाई १० हजार सहयोग प्रदान गरेको छ । उक्त रकम अन्नपुर्ण आमा समुहकी अध्यक्ष विमला राना मगरले विद्यालयलाई हस्तान्तरण गर्नुभएको हो ।